脆皮奶皇月餅-搞笑兔 (附加食譜造型)

 

 

 

 

 

 

 

 

今年仲未有MOOD整月餅.

記得2012年我做小兔月餅贈爸媽.

老父拎起隻小兔子,
連聲說...呢隻係貓貓呀!真搞笑

今夜同大家重溫一吓,
預祝各位中秋節快樂!

 

看!兔仔的樣子多搞笑!
冇須買月餅模都可以做得到!
唔知大家有冇興趣整番對慶賀中秋佳節呢?

做法好簡單,先將28g餡搓圓,28g皮包餡.
搓成長長的水滴形.

將又尖又長的部份輕手反上兔子的頭上,

用剪刀剪開成為一對可愛的長耳朵.
小小心得:耳朵記得要長一點,太短像老鼠呀!
眼睛:是可以入爐的朱古力粒.
咀仔:自由創作.

 

 

 

 

兔仔月餅,真係愈睇愈鍾意.

 

係咪好easy呢!

食譜:可做8隻
皮料:
低筋粉   105g
(要煮)獅嘜吉士粉  12g
奶粉 6g
牛油    62g
全蛋液    12g
糖霜    28g
雪後平分8份,每份約重27-28g.

餡料:
低筋粉  30g
砂糖   30g (如不加入咸蛋黃,砂糖27g)
免煮吉士  23g
奶粉 16g
椰漿(快達)/Kara 都可48g
花奶(三花)30g
蛋液   30g
橄欖油   16g
平分8 份 每份約25g.

可加入1隻咸蛋黃(切碎粒),增加色,香味.
咸蛋黃大約重15g.
餡加咸蛋黃約27g重.

由於個皮質好柔軟,即使餡比例更多些少,都冇問題.
 
 做法

1.先將牛油室溫放軟. 稍打鬆,加入糖霜打到淡黃色.
如下圖的樣子.
(我係用電動打蛋器打牛油,夠手力可用膠刮打都得)
然後,分2次加入蛋液.每次都要打到完全溶入呀!

2.分兩次篩入粉類,用膠刮拌勻.

3. 放入保鮮袋,好容易搓成光滑的麵團,
 包好雪15分鐘,取出包入餡料.
 這是未雪前的樣子.

餡做法:
將所有粉篩入盆中,中間開一個洞.
一邊注入椰漿,花奶.一邊拌到冇粒.
再加蛋液拌勻(蛋要加糖預先攪至糖溶)

最後加入橄欖油拌勻.
倒入掃上少少薄油的盆,面蓋上錫紙.兩側可留少許空隙.

大火蒸7-8分鐘.
蒸好呈一大塊,糕狀.稍放涼.

趁少少熱,cut開一件件.

再薄薄的推開,搓滑至有彈性

搓成條狀,平均分8小件

再搓成球狀,至少雪15-20分備用.雪過夜用都得.

 

如何包餡:

我呢個餡係加入橄欖油,免煮吉士
好香滑呀皮就用要煮吉士,外表更金黃,更夠黏性.

因為個皮質的柔軟度相當好,真的好容易推到好薄,
好貼餡,再利用保鮮紙擰幾吓,就做出一個圓圓的球.

小白鷺餐廳

 

小白鷺餐廳係我好喜愛的地方.

餐廳面向吐路港,背有翠綠的山環抱,環境十分優美.

今日我忽然想起你,你擁有的湖光山色,湖中小白屋.....

早已令我看得如癡如醉了.

當然我亦掛念湖中的白鷺,小山羊,精品店的小花貓啦!

於是要求牛牛陪我到此一遊.

令你被蚊子.....狂吻到粒粒腫夾大Sorry呀

 

 

我最愛在餐廳外的迴廊看湖景,呢舊石除時站立幾隻白鷺.

今次都有一隻呀!不過,我一影佢就飛向綠林去

 




 

 我地四周遊覽一吓

 

 真係美得不能言語.就連我眼前的小草都咁靚

 小山羊,你仲記得我嗎?

大家睇佢食嘢幾叻,識得用腳踩踏條枝,慢慢撕皮來吃.

 

 

 呢度係2樓燒烤花園的入口.

呵呵!一個我好期待的BBQ

 

交通:

的士

28K綠色小巴,來往沙田,大埔.

在翡翠花園下車.

步行10-15分鐘,沿途綠葉成蔭,經滌濤山.

40度熱下遊赤柱

當日氣溫係36度,但我在長廊上行走3-5分鐘.

感受到驕陽似火,頭髮幾乎冒煙.氣溫不止36度啊!

頂唔住.....找個地方躲避一吓先.

唔好以為赤柱食嘢一定好貴!

都有又平又好食的.大大件pizza 由30元起.

仲有海景睇,係咪超抵呢

 

認住黃色呢間屋.門口有個搞笑公仔

嘩.....睇見口水流.嘆番件先

食飽去shopping有間公司的產品好懷舊wor

呢間公司的產品好懷舊wor

可以沿扶手電梯上頂,居高臨下,飽覽赤柱景色

 

 

鎖江骨-食譜

記得第1次在家做呢味菜食,牛牛都話正斗.

我一直都當作隨口一句,不必過份沾沾自喜.

但近日出街刻意叫左煲鎮江骨.

牛牛一咬,連聲說:似當年同你去深圳食木桶雞呀!

老夫老妻你一講,我就明啦:

哈哈....那些年牛牛同我去食木桶雞.

佢一咬就XYZ隻雞好硬,比佢條頸仲硬.似咬住個木桶多過雞!

 

我見到眼前一大煲鎮江骨咬唔入,唔食又好浪費.

不如打包回家再炆啦?

牛牛今次真係老牛咁聲. 味道唔得,包回家仲浪費人工啦!

我都話你整的是最好啦!

 

呵呵!因為我煮呢味菜好鬼殘忍,

夠耐性,又燜又焗.....到骨肉分離.

咁先入味,唔鞋口呀!真係好殘忍啊!

 

食譜材料:

一字骨580g

水180g -190g

冰糖60g弄細少少

鹽1/4茶匙

鎮江香醋7湯匙

生抽1茶匙,老抽1/2茶匙

蒜茸1湯匙

桂皮6g

陳皮1/4個(浸水刮去內面白色部分)

薑2-3片

乾紅蔥頭2個切開

芫茜1扎切小段扎



醃料:

生抽2茶匙,

老抽1/4茶匙

紹興酒1茶匙

糖1茶匙胡椒粉少少

生粉1茶匙

1湯匙生粉後下(撲面用)

做法：一字骨腩洗淨,用廚紙索乾水份.

加入1湯匙蒜茸,用醃料醃15分鐘.

瀝去多餘的汁.撲上一層薄生粉.

2.起鑊煎香一字骨至金黃盛起.

 

 

用餘下的油爆香薑片，乾紅蔥頭,陳皮,桂皮,八角,

一字骨腩回鑊,加入冰糖細火炒至糖7-8成溶灒酒.

3.加水調味料滾後收最細火燜30分鐘，焗40分鐘. 開細火加芫茜燜20分鐘,焗半小時,

再重覆1-2次至汁稠即成.



溫馨提示:

一字骨煎好,可放上廚紙吸去油份.

骨愈煎得金黃,燜完顏色唔會白雪雪,

似烚熟的豬肉.


煎過的骨腩同糖再炒一會,

表面更金黃,有效鎖住肉汁.

火一定要好細,慢慢燜肉先入味唔會老.

燜時保持好微滾的狀態就可以.

各家爐火有別,小心睇火.
大家可能覺得好煩,又要看火又要焗.

其實,可用電子瓦煲燜。

只要在調味料中加1茶匙粟粉拌勻就得嘞.

但要注意容量,料太少,一半都唔到就唔好用,

無謂燒裂電子瓦煲啦!

 

除了同大家分享鎮江骨之外,仲想推介好好食的-

南乳腰果燜豬手.真係一食難忘