隔了一天,開始慢慢回油,
月餅點上小小金箔,係咪變得好華麗呢!
牛牛話要送給他的好友品嚐.
其中有一款是小甜蓮蓉月餅,
最適合愛吃月餅又怕太甜的朋友食呀!
食譜:可做12隻約重58g,模63g
皮:
120低筋粉,金獅糖漿72g,花生油30g,鹼水1/4茶匙.
做法:粉過篩,中間開一個洞,(放入糖漿,油,鹼水,拌勻)
再拌入麵粉成團,雪15-20分鐘備有.
分12份 每粒約重18g.
搓圓,底面放有保鮮紙,用棍推平,Look得好薄,
透明看見手指都得,就係一塊月餅皮.
白蓮蓉: 大約炒到*390g *白蓮蓉.
材料:白蓮子150g,砂糖105g,花生油60g
平均分12份,約重32g+半隻咸蛋8g=40g (餡)
咸蛋黃唔蒸怕半生熟
我都係先蒸5分鐘,愛酒香,可先灑少少酒.
做法:
白蓮子150g+鹼水2茶匙.拌勻15-20分鐘,沖洗.
滾水大火煮10分鐘,過清水,挑出蓮芯.洗乾淨.
*我買的已經是冇芯,但都有好幾粒未挑出,芯會苦.*
中火再滾12分鐘,焗5分鐘.
拎一粒出來,用匙壓一壓,看是否夠腍,可壓成蓉.
最好自己食吓壓成的蓮蓉. 夠唔夠滑.
如果蓮子太硬,壓不成泥,就要煮多一點時間.
自己壓蓮蓉都好費力,我用過棒槌,樽look,匙壓,
咩都試到(暈)...食時香滑,但有好微粒粒
呢d叫自家手壓蓮蓉口感嗎?
Blog友們,唔用機打,有妙法嗎?
炒法:
1.將蓮蓉放入煎pan,
分2次加糖.不停打圏,至糖溶.
2.分3次加入油,每次攪拌勻.然後,不停剷動至稠身.
似離鑊的感覺. 我全程炒了12-13分鐘.
焗:
包好的月餅,面噴少少水.
用200度焗2分鐘(頂層),
轉到中層,180度焗4分鐘.
拎出,前後轉位,降溫至160度.焗4分鐘.
取出掃薄蛋漿,再多焗2-3分鐘.
蛋黃漿:1隻蛋黃+半隻蛋白,打散.
熱到出煙,切開個皮都有聲音,脆脆地.餡好似乾些少,下次我會加多少少油.
(回油後口感可能好D,樣子冇咁乾)
牛牛嫌個皮太薄,一口咬入,好似淨係食左好大舊蓮蓉!
因為呢個皮得12g,都係做18g好wor.!
兩款我成功啦!好食又唔太甜,係雪櫃攞出來食,個皮就有D鬆散,
冰皮都OK,幾怕D蓮蓉白色,會唔好食.
再三多謝您!
白蓮蓉整好啦,不過係白色,唔係好似您D金黃色,
星期日先包,唔知有冇問題.可憐!!!
熟蓮子我試過用碎肉機打，(因攪拌機要加水)，但打到架機幾乎
燒埋，(因蓮子槳住打唔郁)，結果我要用鋼篩好似壓豆沙咁壓啊！
壓完隻手指痛咗幾日呀！所以整一次就夠嘞！
多謝您!今晚即刻開工浸蓮子,希望成功,唔好晒左您D心機,
無私分享,謝謝!
我想問下你係咪成隻蛋黃放一個月餅呀 ? 定係半隻呢 ?
睇到我流口水,我都想整,請問是否包好要雪20分鐘先焗,
等個模D樣會靚D?謝謝!
玲姐，我第一名可有金箔月餅呀😃i
It's sooooooo good!