快樂的一天

2009年7月2日下午9:36公開累積瀏覽 1414

小艇上只有你共我!
船家當透明.

當日天氣都好熱呀!
火紅的太陽真係比足face,曬左我地幾個鐘頭

荷包都曬乾呀!
奇就奇在大家都冇怨言!
仲好enjoy ....投入大自然的懷抱!

我愛靜看夕陽西下的餘輝!

每一次釣完魚上岸,我都會回望金光閃閃的青馬大橋!

講個笑話比大家知!
今日牛 牛一條魚都釣唔到呀! 但佢依然樂在其中喎!
我呢個小女人,竟然釣到有5-6條, 算是 高手! 捱得起風浪架!又唔mind 曬喎!
不過到上岸的時候,

我將所有魚兒都放回大海!
呵呵! 今次真係大家都係釣唔到魚嘞!

但這一刻的感覺是我最難忘懷,亦係最高興的事!
目送條石斑飛快地游回海裹....呢一幕到依加還記憶猶新呢!
我偷睇到牛牛個樣,陰陰咀笑,

奸得來又有點開心呀!
因為佢知道我真係好開心...哈哈,多謝你!
牛牛邊行邊說....我有一個好心腸的女人!
佢仲問我- 你還記得隻毛雞嗎?廿年前的毛雞呀???!!!

我....我當然唔會忘記啦! (死頂...講講下,諗諗下,我記起喇!)
唔知10年後,你可會再提我呢!!!!
我想再聽你講多次 - 毛雞的故事!

也許,沒有人比你說得更動聽吧!

最後,牛牛問我...冇理由連1 條魚都唔上釣架?????
我連忙回答牛牛-通海都係魚,唔一定最大最靚果條就屬於你!
有個老太婆陪伴你,已經係最幸福啦!