媽媽的蕃薯角-附加製作圖

媽媽的蕃薯角-附加製作圖

2013年2月1日下午3:10公開累積瀏覽 18819

媽咪的蕃薯角!真係好Yummy.
好開心,再次跟媽咪一起爆製糕點.
地點:我家的廚房.
蕃薯角初炸起時,外皮香,甜中有點脆.冇加糖架.
全靠蕃薯茸的天然香甜.
內面又好咸香. 我食兩隻,牛牛一食4隻呀.
由於媽媽做糕點,全憑幾拾年的經驗.
我樣樣都要磅!
我要動動腦筋,重新組織才可同大家分享!

150g糯米粉,120g蕃薯.可做12隻.

1. 蕃薯120g切粒加240g水煮腍.
加入50g糯米粉團,一件件加入.
煮一會成為熟粉團.如上圖.
注意:50g糯米粉先加水開勻.
2.隨即倒進100g糯米粉上.加1/2湯匙油.搓揉成團.
哈哈.....睇我媽咪幾快手,唔怕熱bor.

3.餡料有:雜豆半包.要用滾水滾3分鐘.瀝乾水.
五香豆腐1/4件,切好細粒.
冬菇兩朵浸軟,切粒.蝦米5隻浸軟剁成茸.
潤腸1條,喜愛腊腸就用,個人喜好.
煮完豆跟住煮潤腸3分鐘,沖去表面的油.
然則,切粒.但我只切半條,已經好夠料.
喜愛沙x可加入,更爽口.
先炒香潤腸,利用潤腸的油再炒其他材料.
加入少少鹽,糖調味.
先炒好放涼備用.

4.用皮包餡,炸至熟金黃色.
睇吓!媽咪幾快手,包好3隻,我都未包好1隻呀!

要買呢種蕃薯,顏色先較金呀!