簡易南乳焗雞-附食譜

2012年12月18日下午2:30公開累積瀏覽 3908 10

 

話咁快冬節又到了!
牛牛話天氣凍,唔好出街食,在家弄幾味拿手小菜更好啦!
叫我負責整南乳焗雞.因為大受歡迎,個個都愛吃喎.

呵呵....我的南乳雞又真係幾好味

一隻冰鮮三黃雞都係45元左右.
南乳3元1包,有4件可分兩次,係咪好食又抵玩呢!
同大家分享個食譜:
1.冰鮮雞1隻,開邊.我喜歡由背部切開.
最緊要除去內面個肺,會黏住背骨好實,洗乾淨.索乾水.
(雞皮我會用粗鹽擦洗.)
用1又1/2茶匙幼鹽,塗內外.醃1小時.
2.醃1小時後,會有D雞水. 我會將佢倒去.再索乾水.
然後,用叉在厚肉上刺孔,應該更易熟又更入味.

3.將以下醬料拌到順滑,塗勻雞內和外皮醃4小時.
先將2小件南乳25g加少少南乳汁3g壓成泥至滑身.
再加入其他材料.(否則,好難搓南乳啊)
雞蛋黃20g,砂糖1/2茶匙.粟粉5g,低筋粉10g.
頭抽1湯匙,老抽1/2湯匙.玫瑰露1/4茶匙.
4.翼尖用錫紙包好,以免焗焦.
5.隻雞要放在架上.我會放幾片薑,蔥段在雞腔下.


6.預熱焗爐,用180度焗40分鐘.放下層.
拎出掃上薄薄的蜜糖,再焗5分鐘.
要睇火.我老定過頭,有隻雞脾皮焦了!幾乎冇得食tim!
7.通常會有剩1湯匙醬料.
我會加多4湯匙水,約1茶匙糖拌勻,慢火煮滾作醮雞用.
不過,我同牛牛都覺得好夠味了.

溫馨提示:

雞要放在架上,

我試過沒有放上架,焗完隻雞連汁黏住錫紙,

扯到錫紙幾乎穿先甩身呀!