鼻敏感湯

我個仔自幼就患上鼻敏感.
真係中西都試過
鼻敏感真係好辛苦.
平日,好少有兩個鼻孔可以一起呼吸.

老是一邊塞,一邊通.

真係想吸一口大氣都難

想有一晚甜睡,就更困難..

 

同大家分享呢一款-專治鼻敏感湯,鼻炎,增強免疫力.

不過,唔知係咪WORK,可能要好長時間,只好慢慢來啦!

材料:

辛夷花 18g

白芷18g

北芪18g

豬肉半磅.薑3片

12碗水.

水煲後,轉慢火.

所有材料放入一起煲大約1小時15分.

小小心得:

試了1次,家人飲到苦口苦面.

自行加1-2粒蜜棗,大有改善.

飲得碗湯落.

多謝各位的關心.
其實,患上鼻敏感是我個仔.
以前細過爸媽話看中看西,
都好乖聽從.
但長大後,就有自己的睇法.
認為看中看西都幫助不大,
唔想再被人搵笨Wor..
做阿媽,每晚聽到佢塞晒鼻,心都煩,好心痛!