蝦仁帶子瑤柱水蒸滑蛋-附加食譜

2010年10月11日下午9:32公開累積瀏覽 690 18

 

                             好香,好鮮味,好滑的瑤桂蒸水蛋呀!
                                        點解好鮮味呢  ?
                                     因為除了瑤柱水,
                            仲多了些少緊緊熟的蝦,帶子汁呀!
                                     撈勻,真係好好味! 

                                      又係10元有交易
                                 我只用1隻大蛋,可整2杯!
                                  精緻富有創意的菜式
                                      你可隨意加上
                                   魚, 蝦, 蟹 ....都得!
                             捲朵玫瑰花作裝飾就更靚啦

                                  睇! 幾滑溜! 
食譜:
瑤柱1 粒          
 用90g 水浸 至軟身.(浸完後大約得80g水,其餘的水被瑤柱吸收)
雞蛋1隻           去殼  得60g 蛋液
蝦,帶子 用些少鹽醃10分鐘, 兩面上少少生粉.
做法:
1.蛋打散,加0.25g 鹽,幾滴油,再充份打散.
2.分兩次加入80g 瑤柱水.  每次都徹底拌勻.(粒瑤柱可以用來煮瓜菜,好好味)
3.倒入兩個梳乎厘杯.(7cmX5cm) , 用小匙撇去泡泡.
4.慢火蒸6分鐘,每3分鐘,開一次蓋.
5.待面凝固,先放上帶子,再放上隻蝦. 轉細火蒸3-4分鐘至熟.
蝦背輕界一刀,又靚又快熟
 
小小心得:
1.蝦用鹽醃後,用水沖洗會更爽.但沖洗後一定要吸乾水份

2. 一定要待面凝固,才放上帶子,蝦仁.

  否則,就一定潛晒水 

3.不要把蓋完全蓋上,留一線空位,唔怕蒸老蛋.