腰果朱古力-附加食譜

早兩日同牛牛去大O.
目的,只想參看一間Cat Cafe.
看畫.....

沒想到我會遇見多隻流浪貓,
幸好我手袋有一點貓小食.望住貓兒食到好滋味,自己真係感到好開心呢!
為食的吳太一面走,一面品嚐花生朱古力.
25元1包有4塊.約200g,要50多元1磅.
我食出唔係黑朱古力.

但有牛牛相陪,有貓貓鍚.真開心,多幸福.
每一口花生朱古力都好sweet...卜卜聲,好食呀.
回家我好想留住呢一份感覺,
但沒有花生.用腰果取代,一樣yummy.
我有空好快加上食譜.
食譜:可做12小塊.
200g黑朱古力粒.預留兩粒作降溫用.
160g即食腰果.


做法:
1.腰果加少少鹽,用130度焗5分鐘.100度保溫.
2.黑朱古力隔熱水坐溶.
離火加兩粒朱古力粒拌勻.
3.再次隔熱水坐溶.
4.加入腰果,拌勻.
5.分12份用匙把腰果稍推平成塊狀.
6.室溫擺放2-3小時,待朱古力漿乾透入樽.
小小心得:
1.要趁朱古力漿暖,
把腰果稍推平成塊狀才光滑.

2.黑朱古力好食,但要調溫,控制唔好.
調溫方法可參考:
http://happyforever8888.blogspot.hk/2013/12/blog-post.html
製品冷卻後會起白斑,不美.
用免調溫朱古力就唔會.

腊味肉鬆蒸水蛋

 

 

 

 

沒想到1條榮華潤腸,
可以做出咁美味的肉鬆蒸水蛋.
肉鬆蒸完唔會又老又鞋口,更加唔會沉晒底!

雖然我的牛牛好愛入廚.
煎,炸都冇有怕.
但是對肉碎蒸水蛋,就怕怕....唔係佢強項Wor.
每次都細細叫我,你來搞啦.
牛牛:點解我次次都蒸到又老又實??
成塊肉餅沉晒底????


玲:吓!你都唔肯聽人講. ..

其實,方法有好多.
可以加錫紙或包上耐熱保鮮紙.
我一向喜歡將蓋留一線,唔蓋實.
三分鐘打開蓋一次.蒸10分鐘左右,見面凝固
用小火再蒸5分鐘.熄火焗3分鐘就好滑嘞.

食譜:
腊腸1條,
碎肉125g,
雞蛋4隻.
水260g,
白醋1/2茶匙,
幼鹽1/4茶匙,
油少少,1/8茶匙白胡椒粉.少少蔥花

蛋同水比例1:1.2(即100g蛋120g水.)


調味料:
鹽1/8茶匙,生抽/糖1/4茶匙,粟粉1/4茶匙,少少油

做法:
1.碎肉加調味料醃10分鐘.
2.腊腸蒸8-10分鐘至熟.斜切.

3.蛋打散分次加水,幼鹽1/4茶匙打發.
去除面上的小氣泡

加入油,白胡椒粉.蔥花,白醋拌勻.
4.先取2/3蛋漿同碎肉拌勻.

5.再和餘下的1/3蛋漿稍拌勻.
6.中細火蒸15分鐘.
將蓋留一線,唔蓋實.
3分鐘打開蓋一次.蒸10分鐘左右,見面凝固
用中細火再蒸5分鐘至熟
放上腊腸熄火多焗3分鐘.

小小心得:
加少少白醋,口感更滑.
碎肉同蛋漿混合唔係一次過
係要分多次,
每次都要拌到肉碎吸收晒蛋漿,
才加入其餘蛋漿.
(我每次大約用3-4湯匙蛋漿)

蒸蛋器皿最好係深而垂直,
底掃好薄的油,易清洗好多.


 

花旗蔘螺片潤肺湯/笑口常開花旗蔘湯-食譜

 

2013年2月4日下午12:55公開累積瀏覽 1912 20

 

早幾日,我收到PR公司送來一份新年禮物.真係好開心呀!
一盒金色,一盒紅色,令我的斗室充滿喜氣洋洋
紅色盒是-加拿大安大略省花旗蔘.
盒面寫上-賞蔘樂事.令我更喜出望外呢!
金色的係加拿大(紅葉)花旗蔘茶包,一盒有22包.
過新年,食完油角,南乳脆餅.....沖杯蔘茶就唔怕熱氣嘞!

呵呵!有咁靚的花旗蔘,當然要煲個滋潤湯飲啦!

花旗蔘功效:益氣養陰,清熱生津.
螺片又可滋陰補腎.

    原來當花旗蔘湯遇上-笑口常開的蝦餃,係好好味架!
     蒸籠內有兩隻.用梳乎厘杯盛載,係咪更精緻?
    做法簡單,如上圖只要把蝦餃蒸熟,  
    注入熱騰騰的蔘湯,就成為笑口常開花旗蔘湯嘞!
真係人見人愛呢!

吳太要借呢兩款花旗蔘湯,
預祝大家新年快樂,笑口常開.


食譜:可供4人飲
花旗蔘12g-14g
瘦肉 250g
螺片2塊共40g
蜜棗2粒
無花果2粒(切開)
薑兩片

做法:

1.花旗蔘,蜜棗清洗.無花果清洗後一開二.
2.螺片浸軟,清洗乾淨.
3.瘦肉出水後,沖水.
4.煮滾9碗水,大約2000g.放入所有料.(無花果留起)
中大火滾15分鐘,轉中細火煲1個半鐘,
再加入無花果多煲半小時.
落鹽試味,趁熱飲.

好多謝Yvette 送來的新年禮物,
花旗蔘湯好好飲呀!
我已經煲過3款湯飲了.
依加,將最sweet的一款同大家分享
如果大家想了解更多安大略省西洋蔘資訊.
請click入以下網址參閱啦!
www.ginsengontario.com

懷舊雞蛋糕-食譜

蛋糕.每隻約62g.脫模計.
要用幾多隻雞蛋呢?
原來1隻特大蛋就夠了.

自從玩了1次全蛋法雞蛋糕,
我好似瘋了似的.....玩足3天,
哈.....終於整到合心意的蛋糕了

食譜:

蛋60g(去殼計)
幼砂糖42g
低筋粉45g
吉士粉1/4茶匙.
幼鹽少少
鷹嘜X奶3g
鮮奶10g
牛油10g
所有粉類篩兩次.

160度中層10分鐘,
用150度下層10分鐘.

                                                              將1隻蛋打起
                                 高速2-3 分鐘 

 

分3-4次加糖

每次加糖,大約打分半鐘

打至呈奶白色

 

分次篩入鹽和粉類,

 

再拌入油和奶

(油和奶預先拌勻.)

登兩吓登走氣泡

分兩等份

 

 

組織都唔錯.

左面自家製,

右面到(榮華)買回來的,阿仔常愛吃.

比較金黃少少.　.

)

 

 

小心得:
全蛋法必須將蛋先打發起,才分次加糖.
為了脫模容易,模內除了要塗少少油,
底都要舖上一小圓形的牛油紙.
幼鹽再磨幼同粉一起篩兩次.
才可完全溶入.

雪糕

  　成日嫌自己大肚Dum,又為食...yummy.

      即刻同大家分享呢款雪糕先.18元@

一盒粉加160g奶,打10分鐘成軟雪糕狀.

放冰箱雪4小時,就ok了.

可製圖中圓盒兩盒呀.7成ful啦.

送給牛牛的如意蛋撻

2008年10月31日下午1:57公開累積瀏覽 212 8

 

牛牛是誰?
一個愛我,又寵壞我的人.
一個令我擔憂,要我等待的人!
佢就是我老公,
為了這個家辛勞幾拾年的 - 老牛!
今日,我呢隻懶豬沒有什麼送給你!
惟有親手製作一對如意蛋撻送給你,以表無窮謝意!

朱古力可可米脆條

2013年7月25日下午7:02公開累積瀏覽 1417 11

 

夜半無聊,玩了1塊朱古力可可米,7吋x3吋x0.5吋.
雪了半小時,我將佢切開4條.
食了半條,卜卜脆都幾好味呀!

食譜: 可做4條,或8小件

黑朱古力65g
牛油6g
Coco 可可米 35g (朱古力味)

做法:
1.先將朱古力隔熱水坐溶.
2.加入牛油拌勻至滑身.
3.把可可米倒入朱古力漿快手拌勻,盡量令粒粒米都沾上漿.
4.倒入模(舖牛油紙),用小匙按實,整平個面.
5.放入雪柜雪至凝固,然後切條.

松露朱古力-食譜

2013年1月19日下午10:51公開累積瀏覽 5162 8

 

這款松露朱古力做法簡單,
又唔須要用朱古力模,
怕脫模又想自己做朱古力的朋友.
可以考慮玩吓!

食譜:
黑朱古力100g
淡忌廉 65g
牛油10g(室溫放軟)
Rum酒8g
無糖可可粉少少.
做法:
1.我的份量好細,故將淡忌廉坐熱水至有微煙.
2.加入朱古力粒.大約半分鐘,拌勻.
3.加入牛油再拌勻.
4.加酒拌勻至幼滑.
 然後點做呢?
5.坐冰水,不段攪拌.
拌到朱古力漿有點濃稠,杰身.

6.用兩隻匙刮出,略弄圓一點,每粒大約8-9g重.
可以大粒d都得.

放在保鮮紙上.底下當然要加一個盤啦!
成盤蓋上保鮮紙放入雪柜雪30分鐘至凝固.
7.由於之前已經將朱古力分成一粒粒,略有形狀.
凝固了的朱古力,可以進一步搓圓,更易造型.
可以快手搓圓. (要用膠手套)或用小湯匙隔住保鮮紙,輕按滾圓.
8.放入可可粉內滾動,沾滿可可粉就得喇.
9.我再將沾滿可可粉的朱古力,放入篩,(篩麵粉的)
輕輕浪.多餘的粉自動篩走,令朱古力更圓更結實.
係咪好易做呀

小貼士:
想好易搓出圓形似波波.
記得坐冰水,不段攪拌.
仲要拌到朱古力漿有濃稠.

薑汁撞奶-食譜

 

 

1.生薑柞汁1又1/4湯匙置碗內.
2.鮮奶120g,加5g糖慢火煮至冒煙,不用大滾.
3.先把薑汁下面白色的沉澱物拌勻,
 再加入1/2湯匙煮熱的奶再拌勻.
4.將其餘鮮奶從高處撞入.(距離1呎多)
5.立即蓋上,不用攪拌,焗8分鐘即成.

小小心得:
把碗放入深兜,或者放入菜盆.
點撞都得,唔怕奶花四濺,洗餐c啦!.
下次落多些少糖,今次有點辣辣.

懷舊大 蛋糕

 

我沒有像蓮花般8瓣的蛋糕模.
只有花邊貝殼模,
明知免強一點,都要試一試.

 

出爐喇,組織幼細,又幾軟綿Bor.

 

 

食譜係我打書釘時看到的.

一直放在心裡未敢試.

 

點解唔敢試呢? 

 

我怕C實實,怕甜到牙都痛.

 

我地一起看看材料先:

600g雞蛋  600幼砂糖.

450低筋粉  75g牛油

全蛋法,170度焗25分鐘

 

糖份多到把我嚇呆了.

再看麵粉450g

唔c實就奇啦!

但本書好似話可以做10隻5瓣蛋糕喎.

 

好!今晚一於出盡多年的經驗,

跟足食譜比例玩2隻蛋.

原來係得嫁.

做出7隻貝殼蛋糕呀.

 

 

做法:

1.先將全蛋打起.

(高快3分鐘.)

             2.分4次加入糖打至挺身.

          高速打8分鐘,中速1分鐘.

 

 

 

 

粉分3次篩入拌勻,

再分2次拌入已經坐溶的牛油

 

 

後記:原來沒有註明可以做幾多隻呀!

不過,牛牛已經幫我買了兩隻5瓣蛋糕模.

 

 

 

小小心得:蛋漿一定要打到挺身,濃稠.

組織唔夠細密,一加入粉就沉底.

焗出來的蛋糕一定c實實了,

呢個就是做這款蛋糕的成敗關鍵 

 

 

枝竹羊腩煲

我的牛牛愛吃羊.
佢曾經試過買3斤羊,1包枝竹.
燜了老半天羊肉鞋口,枝竹又硬.
牛牛嬲到爆晒粗,呱呱叫
氣上心頭....多年都唔再買羊,唔煮了.

直到我家附近開了一間大昌,
我見有一包包New Zealand羊腩賣,
價錢唔貴.一個腩由50-80元.
我挑選一包,腩骨算是幼,應該唔係老羊啦!

買回家為牛郎一試.
嘩.....一試難忘.
超水準,好好味呀.
哈哈!今次真係要自己讚自己.

有人細細聲講:街外兩百蚊一煲都冇咁正.

食譜:
羊腩1斤
枝竹2條(半包) 浸溫水半小時
馬蹄10粒(去皮)
鮮冬菇6朵
薑6片,蒜頭,紅蔥頭各2粒
八角2粒,桂皮1支
紹興酒1湯匙
水600g
鹽少少

醃料:
半湯匙老抽,1/2茶匙糖,1/4茶匙胡椒粉.

調味料:
腐乳4件,南乳1小件約12g
冰糖20g
生抽1湯匙/老抽半湯匙,蠔油半湯匙.

做法:
1.枝竹用溫水(微熱)浸半小時.
2.將羊腩洗乾淨,飛水,瀝乾水.
腩切開一條條,肉切件加醃料醃45分.
3.燒熱鑊,放半湯匙油,加入羊腩,慢火燒至微黃.
4.加少少油,先爆香薑,蒜頭,紅蔥頭.
再加八角2粒,桂皮1支 炒幾下.
5.加入羊肉,下酒.注入過面水.

放入冰糖,枝竹切小段,馬蹄,
調味料拌勻,用細火炆1小時至羊肉軟淋.
6.最後加入鮮冬菇多煮20分鐘.趁熱享用.
(鮮冬菇要預先用薑水滾3-5分鐘)

如有時間可以焗下,再炆下.....更入味.

小小心得:
1.如果用凍水浸枝竹,就會硬一硬又唔入味.
枝竹要浸溫水,浸到內外都軟,沖水,
有的摺位較硬,去掉才切成小段.

2.腐乳和南乳預先搓至順滑.
否則,一舊舊,好難煮溶.
 3.老羊咪攪,食到牙都甩.

蜂蜜蛋糕-加蜂蜜/油小心得

今日(勇)字掛心口,
自製紙盒,用8隻雞蛋,
做了一大件蛋糕,厚切開16件.
食兩件都飽飽嘞!
我用兩層瓦通紙製一個盒
盒size:內計 長 23cm x 闊18cm x高 8cm

做好的盒先包錫紙,再舖上牛油紙.

 

粉類篩好分成兩等份.

先篩入1份,要分4次篩入.

唔好一大堆篩入呀.

 

到第2份粉篩入蛋糊時,

先篩入1層薄薄的粉

把粉拌勻後

 

接著下1-2湯匙油,蜜蜂混合物拌勻.

篩粉,加油....相間地重複4-5次.

直至把所有材料加晒入蛋糊

留意:我加油的動作是先打個大圈.

 

馬上在蛋糊(面)打圈拌勻.
手動打蛋器都係提起.

直到所有材料都加入蛋糊.
才把整兜蛋糊拌勻.

食譜:

雞蛋8隻
砂糖150g,鹽1/4茶匙
低筋粉160g,高筋粉48g

台灣蜂蜜64g(可以入爐)
菜油48g,牛油16g,味冧16g,鮮奶16g
做法:
1.全蛋打起泡,分多次加入砂糖,打至奶白色.
我打了22分鐘.(高速)

 **曾經試過打9-10分鐘,寫了多個流暢的8字.
以為今次仲唔掂.....   結果,HONEY都係沉底呀!

2.麵粉分兩份,分多次篩入.
我分8-10次.
3.蜂蜜隔熱水加熱.
加入奶,味冧,牛油徹底拌勻

 4.所有材料拌勻後,拿起盆登兩吓,登走氣泡.
在盆內再靜止8-10分鐘,每2-3分鐘消除氣泡1次.
消泡後,記得要拌勻蛋糊,以免油,糖下沉
5.將麵糊倒入自製紙兜模內.

6.預熱焗爐用160度焗15-20分鐘至面上色(中層)*不計消泡過程.
每2分鐘,拉出來消氣泡,共做3次
移到下層,用150度再焗20分鐘.

小小心得:
用全蛋法做蜂蜜蛋糕,
蛋一定要打發到位.
蛋漿可打個圈,或8字.
線條係好粗,影完相,10多廿秒仲可見到.


粉類先篩入一半,
然後將honey,油,奶混合物.同麵粉相間地加入.
呢個方法好有效,
可以解決製成品一出爐,
切開就見一大層油,糖沉晒底..
或者整個蛋糕未切開已經塌了,
浪費晒心機,掉 得!

後記:
相比之下,我都係喜歡用木框.
雖然係12元買回唔係正宗果款.
但是,我的木框已經用到有陣陣蜂蜜香了.

栗子腰果炆雞

栗子炆雞大家食得多了.
有冇試過加入腰果呢!
我同牛牛食過,係好好味呀!
真係多謝朋友仔送來的一大包腰果.


材料:

冰鮮雞1隻
栗子 1磅
薑兩片,蒜頭兩粒,芹菜1條.

即食腰果25粒(可以唔加)
紹興酒1湯匙.

醃料:
1茶匙幼鹽,
生抽1茶匙,老抽1/2茶匙
糖1茶匙,胡椒粉少
粟粉1茶匙

調味料:
生抽1.5茶匙
蠔油1.5湯匙
冰糖15g (搗碎)
水1碗,大約200g

做法:
1.雞洗淨,去肥膏.
瀝乾水,再用廚紙吸乾水.
下醃料醃45分鐘.
2.凍水放入栗子,加1茶匙鹽.
 烚15分鐘,熄火焗10分鐘.
3.燒熱鑊,加入半湯匙油,
  放入雞件慢火煎至金黃.
推開雞件,利用餘下的油爆香薑,蒜頭.
然後同雞件一起炒幾下.
4.加入栗子,腰果,芹菜略炒,灒酒1湯匙.
5.注入調味料煮滾,收細火炆15分鐘.
中途開蓋把雞,栗子,腰果炒勻一次.
6.最後加上芹菜即成.

小小心得:
1.牛牛話加少少芹菜仔令這味菜更香.
令我好(婆媽)地問賣菜姐姐:我想.....
我想買多條芹菜仔,幾錢呀?
賣菜姐姐好nice:買栗子送芹菜呀!
2.栗子要趁熱用毛巾擦去衣.
挑選一粒粒像蒜頭狀的栗子比較快炆腍.

扁身的栗子,宜用來煲湯.

簡易彩繪咖啡蛋糕卷-附卷蛋小心得

我不愛飲咖啡,但又極愛吃咖啡味蛋糕.

繪上心心圖案的卷蛋,塗上薄薄咖啡味cream,
我豈能抗拒呢.....食了兩件,好好味.

送禮自奉都得.(經濟大方又美觀)

食譜:1條 焗盆size8.5吋 x 10吋

1.雞蛋3隻+1隻蛋白.
2.低筋粉68g+7g粟粉.(過篩1次)
3.咖啡粉1/4茶匙加1/2茶匙Rum酒拌勻.
4.糖60g
5.水45g
6.粟米油30g

餡:
50g甜忌廉+1/4茶匙咖啡粉+3/4茶匙庶糖
打發成奶油狀.

做法:
1.將3隻蛋黃+20g糖打至淡黃色.
(我用高速 打1分半鐘.)
拌入45g水,30g油.
2.把粉類加入蛋黃漿拌至冇粒.
3.將4隻蛋白打起泡,分3次加入40g糖,
打至起勾,組織細密.
4.先取1/3打起的蛋白霜,加到蛋黃漿拌勻.
5.再倒回到餘下的2/3蛋白霜上,輕手拌勻.


面裝飾: A.1/4茶匙咖啡粉+1/2茶匙熱水拌勻.

              B.1/8茶匙竹炭粉

6,取1湯匙 蛋糕漿加材料A拌勻.入唧袋.
再取1湯匙蛋糕漿加材料B拌勻,入唧袋.

快手隨意畫心 ,大約2-3分鐘完成.

預熱爐,用120度焗分半鐘.


倒入其餘的蛋糕漿,輕登兩吓.登走大氣泡.
放入中層,用170度焗12分鐘,
降溫至140度再焗5分鐘.

出爐先在蛋糕面蓋上牛油紙.
反轉,把原有的牛油紙撕開,圖案就呈現眼前.

捲蛋糕卷的小小心得:
我知道好多朋友都怕捲,一捲起就裂皮.
1.試吓斜切入.(心心圖反轉在下面)
2.將切入的蛋糕慢慢摺上來,輕輕按實如一條軸.
就容易捲好多喇.

塗cream 兩側,後面要再薄一點,
捲時唔會標出來,弄污手.

小小心得:
1.做彩繪蛋糕卷,繪圖時間不可太耐.
因蛋白霜放太耐會出水.


2.圖案低溫焗完,要留意個(面)是否乾.
如沾手,要多焗一會.
未乾的心心,焗完會滲出去,不夠美觀.
會在製成品完成才看到.

其實,可以將蛋糕切長條形,,中間塗cream.
有心心圖案的放上面,一樣靚.