印模曲奇

話左唔買又買,買到一屋都係玩具.

今日都唔知點解,一買就買3套共6隻.

仲心急到即晚玩.

計計數:1斤麵粉可以整成100隻呀!

半斤都50啦

 

今次真係可以玩到傻

腰果曲奇-食譜

今晚的腰果曲奇,因為加入腰果粉同粒,

營養豐富,又香又可口.

可惜我擺得佢地太親密,

結果,焗左7分鐘,未出爐都痴實,好似糖黐豆真可惡!

不過,食左兩塊又真係好好食.

不枉費我爬高爬低,把玩具搬出來.

幾大都記下食譜先搵周公.

食譜

牛油80g

低筋粉120g.

腰果30g磨成粉,30g壓成粒狀

糖霜45g

奶粉3g

梳打粉1/4茶匙

蛋20g

蛋白少許(面用)

做法:

1.牛油加糖霜用電動打蛋器打至奶白色.

2.分兩次加入蛋液拌勻 

3.篩入所有粉類用膠刮拌勻,加腰果碎粒拌勻 .

4.放粉團入袋,搓成圓柱狀.雪1小時.

5.取出粉團搓成長方形.放入冰箱雪實,大約兩小時. 

6.預熱爐,放中層用160度焗10分鐘.

移到下層降溘至140度,再焗4分鐘,餘溫焗2分鐘.

 

取出放在架上放涼.

溫馨提示:

先搓成圓柱狀.雪1小時.

粉團質感實一點,似膠質,易造型.

打磨時,間中挑鬆粉末,Dun吓,

以免粉末塞在刀葉底,

磨出晒油事少,燒機事大.

婚禮曲奇-食譜附圖片

多謝朋友的欣賞.

希望收到的(你)會喜歡,

祝你兩福幸福快樂,永結同心.

 

 

 

我試過加入高筋粉,1:3的比例.

即30g高筋粉,90g低筋麵粉

口感,嫌不太好食.都係喜愛全部用低筋粉.

 

食譜:可做9隻(7.5cm闊的 心型).

1.低筋麵粉（120g）

2.糖粉（35g）

3.蛋（20g）

4.牛油 （55g）

5.梳打粉（1/8茶匙）

6.鹽（1g）

 

做法

1.牛油室溫放軟，加入糖粉及鹽打至鬆發。

2.分3次逐少加入雞蛋, 每次打至蛋汁完全混入牛油糊。

3.篩入低筋麵粉及泡打粉，以切伴方法伴勻。

4.弄成麵糰雪1小時, 取出壓平，用餅模印出心型。

5.以160度預熱爐,放中層焗8分鐘,
下層140度焗3分鐘,再用100度焗2分鐘。

 

6.出爐後要待曲奇完全涼透,才可唧上糖霜。

 

做法:
1.焗好的曲奇餅底放涼
2.先用杰少少的蛋白糖霜畫上線條.

3.再用稀少少的蛋白糖霜填滿.

待面凝固,再唧上花花.

A.蛋白糖霜:
1.10g蛋白坐熱水稍打散起泡,大約15-20吓左右.
加入已篩的糖霜60g拌勻.**作畫線條用.
2.另外一份加多幾滴水就會稀少少.作填滿心心用.
3.加入少少竹炭粉 ,可調成黑色.

 

 B.蛋白糖霜

我在烘焙店買入1小包法國蛋白粉25g,15元.

(1g+7g+35g糖霜拌勻).

做法一樣,一份杰少少,一份稀一點.

不過,呢隻蛋白粉唔香.都係Wilton香D

 

 



溫馨提示:

1.打蛋白糖霜的器具不可有油,乾後會有裂紋.

2.要餅面光亮更平滑,唧完蛋白糖霜後就要慢慢浪,

浪吓浪吓就會巧靚.

3.利用咀或牙籤將邊位修飾得更完美.
4.餅經底溫慢慢烘透,才可更乾脆,唔易淋身.
所以,我分3段火力.

婚紗曲奇/中式禮餅曲奇

 

 

 

 

 

 

 

 

 

 

 

 

 

 

 

 

 

心型曲奇-食譜

 

我太耐冇玩婚禮曲奇.有點手痕心思思.

曾幻想白色婚紗有1隻紫色的蝴蝶.

 

所以於上星期五開始做餅底.

測試脆的程度可以保存多少天.

才再加上蛋白霜扮靚D

今天是第7天,依然脆卜卜.係酥脆呀!

 

呵呵!又幾好食bor

呢兩日,我已經食左5隻,

心心曲奇分分鐘給我吃光,

都沒有1對婚禮曲奇睇吓啊

 

食譜:大約11隻

牛油55g

糖粉25g

低筋粉110g

少少鹽

1/16茶匙梳打粉

 

160度,中層焗9分鐘,下層焗3分鐘

 

 

 

 

因麵團冇蛋,牛油只佔麵粉一半,

拌時有少少乾,

要放 雪柜雪2小時

 

 

竹炭芝麻唧花曲奇-食譜

 

 

 

 

今日想做竹炭曲奇,才知Google呢個Blog找不到食譜.

可能Yahoo Blog結束時,搬唔切啦,所以沒有食譜.

重新post.

朵花似康乃馨嗎?

點解朵花係炭黑色呢?

 

因為我加左天然竹炭粉,仲有白芝麻

我同牛牛都覺得比原味牛油唧花曲奇

更香更美味呀.

牛牛食左好多呀!

今晚一於要同大家分享呢個咁鬆化的曲奇.

 

食譜:大約23朵花

金桶牛油90g-100g

太古特幼糖霜27g

蛋液12g

低筋粉90g

粟粉25g

1.5茶匙炒香芝麻,天然竹炭粉2g

做法:牛油加糖霜用電動打蛋器打至奶白色.

分兩次加入蛋液打勻

篩入所有粉類用膠刮拌勻

放一半粉團入唧袋唧出形狀

預熱爐,放中層用170度焗10分鐘.

移到下層,爐溫降至150度焗3-4分鐘.

取出放在架上放涼.

 

估唔到一個唧花咀可以唧出10種款式,好好玩!

 

紅莓燕麥條

是我的老作,之前曾經POST出來.

朋友仔想食,一定重刊!

 

 

以為有健康小食之稱的燕麥條簡單易做,
整番1樽平時做家務,做到肚子餓,食兩塊咪開心晒啦.
點知第1盤就咬崩牙.
係無花果焗完之後好硬啊.
但燕麥條是好好食,那陣玉桂香味極之吸引.
真係唔食得,都要留番來聞吓.
唔甘心再take two.
嘻嘻,真係幾好食bor.....可以好安樂sleep了.
1小包200g的原片大燕麥,可以做20條呀
做比小朋友帶返學食就夠好啦.
肯定令其他同學仔都好羨慕.可惜,囝囝小時候,我不懂得整呢!
燕麥$7.9@$13.9有兩包,經濟抵玩.

食譜:可做20條大約4吋長x1.2吋

原片大燕麥  Whole Rolled Oats 200g
牛油100g
黃糖 80g
玉桂粉1/2茶匙
紅莓50g+10gRum酒.浸3小時
無花果40g(用熱水浸軟)切粒.
合桃15g切粒
松子仁15g
中層,180度焗15分鐘.
移到下層再焗5分鐘.
利用餘溫再焗5分鐘.
放涼後切條.
做法:
1.黃糖加10g熱水拌勻,慢火煮溶.
再加入牛油煮溶.
因為我用(CSR,raw sugar)比較大粒,加少少水易煮溶.

再加入1/2茶匙玉桂粉,拌勻.
2.將原片大燕麥倒入,拌勻,盡量拌到粒粒都沾上糖漿.
3.先加入合桃粒,松子仁,再加入無花果,紅莓拌勻.
4.倒入長方形盤,8.5吋x6吋,高3/4吋用湯匙壓平.
(先舖上牛油紙,掃少少油.)

5.蓋上不沾布,再輕手按實一點.

6.記得拎開不沾布先焗呀.

無花果放面,焗完會好硬.都係塞入燕麥內更好.

左面2條係買的,$7.9.右面係自家製.

朱古力粒曲奇-食譜

呢款曲奇,真係好食,好脆又易做,今日整左兩樽.食到唔停口

食譜:

低筋粉 82g

谷古粉(冇糖) 5g

梳打粉    1/4茶匙

金桶牛油 50g (室溫放軟)

雞蛋25g(打散)

幼黃糖    45g  愛甜的朋友可加多5-10g

入爐朱古力粒    42g

幼鹽     1/8茶匙
做法:

1.金桶牛油加黃糖,鹽 打至鬆身.

2.分2-3次加入蛋液,每次都要攪拌勻至光滑.

3.將所有粉類篩1次,加入拌勻.

(我先開機用慢速只拌8-10秒,再用膠刮拌勻)

4.加入朱古力粒拌勻, 放入雪柜雪20分鐘.

5.預熱焗爐,160度 焗 15-18分鐘, 平均每粒 7g-8g重.

可做32隻. 焗完直徑有1.5吋, 精緻又大方!

 

溫馨提示:

一定要預留空間,

以免曲奇膨脹互相黏著.

出爐後,將曲奇放在架上放涼才入樽.

最好加入1包食用防潮珠.