2014年12月25日星期四

印模曲奇

話左唔買又買,買到一屋都係玩具.
今日都唔知點解,一買就買3套共6隻.
仲心急到即晚玩.
計計數:1斤麵粉可以整成100隻呀!
半斤都50啦
 
今次真係可以玩到傻



2014年12月22日星期一

2014年12月21日星期日

生炒糯米飯-食譜

 

 
 

 

 





近日天氣開始寒冷,令我想起惹味的生炒糯米飯.
每次煮呢味飯,都好想先蒸後炒,


但一想起我奶奶每年大年初一,都炒一大煲糯米飯,

我就唔想偷雞嘞!

那些年,我奶奶為了幫補家計,每日都炒幾大飯去賣.

真係炒到手軟呀!

我曾問奶奶:咁辛苦,點解你唔將米先蒸熟再炒呢!


兜幾吓唔使炒到身水身汗,手都軟啦.


奶奶給我一個好自滿的眼神

吓!D街坊不知幾識食.

蒸熟再炒邊度夠香夠爽口呀!



材料



1糯米 200g)

2潤腸 (1條)

3冬菇 (2隻)

 

4.瑤柱(1粒)

 

5.蒜茸半湯匙/蔥粒1湯匙)

6.雞粉1/4茶匙 

7.雞蛋

8.腰果 

調味料:

生抽(3/4湯匙)

老抽(3/4湯匙)

糖(1/2茶匙)

水1/2湯匙

 將所有料拌勻

做法

1.糯米用溫水浸4小時。

2.用1碗水將瑤柱,冬菇浸軟,連水蒸10分鐘。

臘腸用熱水沖洗表面油,蒸10分鐘.

3.冬菇切粒加1/4茶匙糖,生抽拌勻(材料以外)

瑤柱手撕成絲;臘腸切成薄片。

4.起鑊炒香蒜茸,加臘腸用小火炒出油,加瑤柱絲,

冬菇炒香,盛起備用.

  5.將1/4茶匙雞粉加入浸過(瑤柱和,冬菇的水190g)拌勻。

6.浸完的糯米要再沖水.瀝乾水份.

7.用1湯匙油起鑊,用中火炒糯米幾分鐘。

最好炒到粒粒糯米均勻沾上油

8.然後將(5)的瑤柱,冬菇水分次加入.

每次2湯匙,炒勻糯米後,把糯米壓平.

  大約20秒後反轉.好似煎魚一樣.

再加2湯匙,重複步驟炒約15-20分鐘後,

試糯米是否夠軟熟.(我牛牛就喜歡食軟熟的)

 
9.加入臘腸,瑤柱絲,冬菇材料,炒勻,

再加入調味料炒勻即可,趁熱食.

 

小小心得:

鑊一定要夠熱烘,才下油,糯米落鑊,
粒粒跳起, 唔怕黏底.
 
浸完的糯米,用溫水沖洗,可把表面的黏質洗去.

每次加2湯匙水時,盡量將米炒散.

如水份不足將米推散開,可加多少少. 


 


今晚食日本菜


聖誕節快到了.牛牛想食日本菜.
我同大細仔都舉手OK.
雖然我好怕食生的東西.
最緊要係你食得開心.那麼大家都開心.
今晚全權由牛牛負責,
由於我不懂飲酒,
又唔識食刺身,
幾乎成晚都係望住牛牛食,
間中望吓夜景同中環摩天輪.
我對第一盤刺身的反應係.....好貴.
今晚呢一餐,要兩千五元,
夠我同牛牛飲 30天早茶呀.
下次唔同你癲
 
 
 
 
 
 

 我問牛牛:有冇弄錯呀?
呢一碟,要590大元. 未計加一
東一件,西一件.一眼睇晒.真係好貴呀!
你笑我大鄉里就笑啦.






2014年12月20日星期六

腰果曲奇-食譜



今晚的腰果曲奇,因為加入腰果粉同粒,

營養豐富,又香又可口.

可惜我擺得佢地太親密,

結果,焗左7分鐘,未出爐都痴實,好似糖黐豆真可惡!

不過,食左兩塊又真係好好食.

不枉費我爬高爬低,把玩具搬出來.

幾大都記下食譜先搵周公.

食譜

牛油80g

低筋粉120g.

腰果30g磨成粉,30g壓成粒狀

糖霜45g

奶粉3g

梳打粉1/4茶匙

蛋20g

蛋白少許(面用)

做法:

1.牛油加糖霜用電動打蛋器打至奶白色.

2.分兩次加入蛋液拌勻 

3.篩入所有粉類用膠刮拌勻,加腰果碎粒拌勻 .

4.放粉團入袋,搓成圓柱狀.雪1小時.

5.取出粉團搓成長方形.放入冰箱雪實,大約兩小時. 

6.預熱爐,放中層用160度焗10分鐘.

移到下層降溘至140度,再焗4分鐘,餘溫焗2分鐘.

 

取出放在架上放涼.





溫馨提示:

先搓成圓柱狀.雪1小時.

粉團質感實一點,似膠質,易造型.

打磨時,間中挑鬆粉末,Dun吓,

以免粉末塞在刀葉底,

磨出晒油事少,燒機事大.

2014年12月17日星期三

中環摩天輪(8/12/2014)

 
上星期一,牛牛同我一起到中環坐摩天輪,

 

坐完60米高的摩天輪.我兩在巨輪下慢慢嘆雪糕,好滋味呀!

依加望住杯軟雪糕都口水流呢!

當晚遊人不算太多,都要排隊20分鐘才進入車廂.

初時,以為自己會驚到尖叫.轉上20層樓高喎.

當然要食定香口膠啦!

哎呀!原來轉得好慢,好慢.....真係慢摩摩天輪.

我地可以定定地眺望維港夜色.

連大廈的聖誕燈飾都一一收入眼底.

呵呵!等我用手機拍下歷史性一刻先.

敗家伙,我不懂拍夜景呀!呢張經已係最美的了!

居高臨下,可以看到長長似跑道的10號碼頭.

 






中環坐摩天輪位於九號及十號碼頭之間

交通:香港站F出口,約行10-15分鐘.

2014年12月9日星期二

可以掛起的薑餅人2014

呵呵!看這薑餅人,是可以掛起來.

做法都好容易.
未焗前,開1小孔.用錫 紙包住牙籤塞實小孔..
食譜請看上一篇

將麵團搓成6吋X4吋
 
 
桌面先舖保鮮紙,再放牛油紙
放上麵團,蓋上保鮮紙
先一吓一吓壓下,再推開.
然後印模 

餅同餅之間要預留半吋空間,
以免膨脹時(痴)住.
用保鮮紙包住手指,修好邊位

如果移動時,發覺5吋高的薑餅人有些少軟身,

你一定會感到好困難.免強移動,會走樣.
不用心急

只須稍雪5-10分鐘就把問題解決.

4g蛋白粉 60糖霜 18-20溫水,
快速打5分鐘,可畫出線條,
但仍然係比較

再打多2分鐘,拉出更幼線(中間)長長的,

差不多了.

轉中速打多半分鐘.

放入唧袋,先剪1小孔,用膠刮刮入去.

我地試吓唧出線條,看粗幼是否滿意.

唔夠粗可將孔剪大小小,

所以,一開始唔好剪太大孔. 




 


如何控制線條,好容易

唧時右手拿唧袋,左手第2指幫忙托住,

會定好多,唔會震...

Sorry!我一手拿機,一手唧....好論盡啊!.