酒紅酸薑.食譜

 

 

子薑加入1粒蒜頭醃了3天,

開始散發出悅目的酒紅色.

 

好醉人.

 

雖然你沒有街外的紅噹噹.

但淺淺的紅也比白色好看.

 

 第2天

 

剛入樽

 

 

自從 在尖沙咀(江順河鮮酒家)

食過欖角酸薑蒸魚頭.

 

 

一試難忘.好yummy.

回家開始自己醃酸薑.

間中撈幾片蒸個大魚頭都幾滋味.

 

 

食了一小塊都好醒胃

  真的是蒜頭產生作用嗎? 

食譜:

子薑100g

白醋110g

冰糖55g

(愛甜一點,可加15g )

蒜頭1粒

 

做法:

子薑刨去表皮,切片,用刀輕拍.

灑上1/2茶匙鹽拌勻.

放入筲簊瀝乾水.

(我放在窗台吹3小時)

用紙索乾水份.

入樽,加醋,最後放入冰糖,

糖會慢慢浸溶

 浸3日就食得.

 

子薑的時令季節(夏天).

 

 

一個難忘的中秋

3年前,我想到小白鷺過中秋,放願望湖燈.
但full左.

去年,牛牛又話冇心情呀.

今年,佢忽然提我訂位.

我地訂農曆8月16日.
(每位198,任食,汽水每人1罐,唔夠飲自己買.)

當日,6時正已經到場.四周閒逛一吓.

6:30牛牛為我下廚,大叫好熱啊!(身水身汗)

我:見佢搞到身水身汗,焦了好多都死頂話好食,飛晒黑邊啦.

 

 

 

呵呵.....讚一讚係唔同D.睇佢幾用心燒海蝦,青口和多春魚.

 

我一邊食一邊欣賞湖光山色.

又走到樓下的精品店探貓,牛奶仔正在開餐Bor.

食飽飽,去放湖燈.....

係我今晚心情最雀躍的一刻.

好小心拎住呢兩隻小船走到碼頭.

有專人將紙船點上燭光,

把小船輕放願望湖,一閃一閃好有詩情畫意!

 

叫人看得入迷!

等我影番幾張相,留作美好的回憶.

 

點解影唔到呀!似是黑漆一片.好心急又冇法子

只好眼光光望著小船,載著我的願望.....愈飄愈遠.
心願亦永遠埋藏在湖底心深處吧!

 

 

 

 

 

 

回程沒有坐車,沒後悔同你走過這條幽靜,
黑漆漆的路. 只係有點心驚驚!

竹炭芝麻唧花曲奇-食譜

 

 

 

 

今日想做竹炭曲奇,才知Google呢個Blog找不到食譜.

可能Yahoo Blog結束時,搬唔切啦,所以沒有食譜.

重新post.

朵花似康乃馨嗎?

點解朵花係炭黑色呢?

 

因為我加左天然竹炭粉,仲有白芝麻

我同牛牛都覺得比原味牛油唧花曲奇

更香更美味呀.

牛牛食左好多呀!

今晚一於要同大家分享呢個咁鬆化的曲奇.

 

食譜:大約23朵花

金桶牛油90g-100g

太古特幼糖霜27g

蛋液12g

低筋粉90g

粟粉25g

1.5茶匙炒香芝麻,天然竹炭粉2g

做法:牛油加糖霜用電動打蛋器打至奶白色.

分兩次加入蛋液打勻

篩入所有粉類用膠刮拌勻

放一半粉團入唧袋唧出形狀

預熱爐,放中層用170度焗10分鐘.

移到下層,爐溫降至150度焗3-4分鐘.

取出放在架上放涼.

 

估唔到一個唧花咀可以唧出10種款式,好好玩!

 

悠悠閒遊烏奚沙沙灘-海之心

 

好多謝小龍的好介紹,

令我有動力牽牛牛到烏奚沙沙灘.

親眼看到海之心,好浪漫呀!

未到達時,牛牛話:如果潮漲就睇唔到個心型石!

我:那麼我會好失望呀!

牛牛:我拾幾粒石仔,砌一個小型心心給你看啦!

 

搞到我個心卜卜跳

好彩我當時係潮退,

我看到3個心心呀!

第一幅應該係吳伯用心砌的心.

相信不少愛侶也曾到此一遊!

 

看!烈日當空下,有人正在砌心心呀,好漂亮的心呢!

下面呢個係迷你心,都好靚!

下

 

 

回程時,我忽然聽到喜鵲驚叫聲.

原來係貓捕鵲呀......差D冇命

呢群白鴿真係長情.....一直在等待我兩再回來!

 

交通:

 

馬鞍山站A出口,穿過馬鞍山廣場,下天橋.

經馬鞍山公園.沿長廊大約行5分鐘到達

 

香煎南瓜餅-食譜

昨日同牛牛下午茶,

食剩一碟豆沙餅,打包回家又冇人愛吃.

因為個皮已經唔脆,仲幾硬.

忽然記起牛牛好愛食南瓜餅.

將紅豆茸刮出來

買南瓜整小甜南瓜餅,

熱烘烘,表皮脆脆的太YUMMY

 

我地一口接一口,6隻食清光.!

 

食譜:

南瓜去皮100g

糖12g

糯米粉90g

粘米粉10g

油1/2茶匙

24g紅豆茸

 

做法:

1.南瓜切件蒸10分鐘至熟,隔去水份. .

  2.趁熱加糖快手壓成南瓜泥.

3.將粉分2至3次加入搓勻,最後加油搓成團.

(粉類預先混合過篩)

4.用易潔鑊燒熱1-2茶匙油,把南瓜餅兩面煎香,趁熱食!

 

 

 

溫馨提示:

近日我地在某酒家叫南瓜餅,但外皮唔脆又油.

所以我要將皮煎香帶點脆牛牛先愛食.

煎時先把鑊蓋蓋上,再留一線空位.

好小就可以,或者用一根牙籤插在蓋同鑊之間.

每面約煎1分20秒. 打開蓋每面又煎1分20秒.

 

加蓋南瓜餅易熟,開蓋煎會脆.

脆皮奶皇月餅

 

今年我好懶,

八月初八先開始整月餅.

連模都懶找尋出來.

隨手搓左對搞笑小兔就算了.

食譜都係用以前的,

即Yahoo時代.

 

相信好多Blog友都唔會忘記搬blog的日子.

 

 

 

 

焗小兔的心得:

 

先掃薄蛋漿,放中層180度焗2-3分鐘稍定型.

降溫至150度轉放下層.焗8分鐘,取出再掃1次蛋漿,

多焗4-5分鐘,小心爐火.

太大火,好易裂.小火又唔脆.

焗的時候如果見有少少裂紋.

立即拎出,調低火後放回再焗.

第2次掃蛋漿時要小心D,不要掃到眼睛.朱古力會化開.