2013年12月30日星期一

免搓包-開心分享鬆軟心得


 
 


哈哈!開心大發現,不用搓包,不用麵包機.

 

我一口氣做了36隻迷你包.

近日,天氣凍冰冰,

包包頂到3日,都好軟呀!

(是湯種的威力)

至於點解唔使搓到手軟呢.

就係善用打蛋機內附的好似蛇仔的用具.

非常好用,勁掂!

食譜稍後同大家分享.

2013年12月24日星期二

聖誕閒遊香港公園


多謝Blog友小龍的好介紹.

日前,牛牛同我一起到香港公園.
 

經我再三問路,終於找到了.

尤德觀鳥園,免費入場.
 

 

嘩.....我好似去走進仙境,好開心呀!

熱情的鳥兒在我身旁飛舞.

.....心中的喜悅,難以言諭呢.
 

 
 

2013年12月17日星期二

老婆餅 食譜


2012年4月9日下午5:01公開累積瀏覽 2477 11


 


迷你老婆餅, 每個重 60g.

最前方,第1個 灑上雪花紋 中間 cut了一刀,

其餘兩個 是完整沒有開一小刀.

焗出來 的樣子, 好似沒有多大分別啊!












 新鮮出爐,盪手都要切開給大家看看.

由於我刻意把皮 邊緣 look得薄, 中央厚些少.

效果 一看就知 : 面 皮較底厚.




輕手散開 就是一層層.  碎晒!

(下次,我會把焗好的餅,用低溫烘耐一點時間,皮會更脆呢)











 上圖的餅, 將 皮 要弄成個兜, 放入餡, 搓成湯圓,

 較平均 , 做出來 底,面 幾乎一致 .

 視乎個人口味而製作!

 餡料:   皮33g 餡27g

 我先把200g糖冬瓜 切粒, 用水浸一會,沖走表面的糖份和雜質.

 加85g水,放入攪拌機 打成蓉.







篩入50g糕粉 / 油 拌勻就是軟滑 有黏性的饀了!

我嘗試用加入固體菜油 5g.

比液體容易搓出黏性.  起膠質呢!







   皮的做法:參考下面的叉燒酥.
 **今次我減去糖份, 因老婆餅全個餡係甜的.
叉燒酥 - 附中式酥皮製作圖
2012年3月22日下午11:41公開累積瀏覽 2303 13



Oh....! 烘焙中的叉燒酥 流晒餡汁呀!

今次個水皮 鬆弛時間不足.

有點 論盡.

質感比不上 上次的皮蛋酥 . (柔軟,易黏口)

好在用少許蛋液就黏住/封口了.

但焗的時候, 流汁呀....下次小心d!



看出爐的酥, 都有一層層啦,可以同家人分享,

好開心,自家製喎!

翠兒都話錢係買唔到呀!



因吳太的文字表達力不足,

拍下圖片讓大家參考!



水皮包住油皮. 唔好露出油皮喎.


look 成長舌狀.



慢慢捲起來







捲好, 打直放, 上,下 都有捲心. 好似捲筒.



留意: 收口是向上

再look 成長舌狀, 要左右,上下look.

look好又再慢慢捲起來 .




捲起來  ,好似氣蛋卷咁啦.

收口向上,蓋上保鮮紙, 再鬆弛 15分鐘.



好嘞!  當呢條已經鬆弛夠,  用手指按一按中央.

收口依然向上, 兩頭(即左右 )摺向上.

似唔似個望遠鏡呀!



壓平 似個豬鼻 , 成功了!

將佢再 look成 圓圓地...馬上可以包餡製作.

大家認住呢個樣呀!


水皮:   食譜份量可做6 個叉燒酥/  皮蛋酥

低筋粉   45g

固體菜油  15g

水  18g

糖    6g

油皮:

低筋粉   50g

固體菜油  25g

做法:

1.將油皮,水皮材料分別搓勻,蓋上保鮮紙,首先鬆弛15-20分鐘.

2.油皮,水皮平均分為6 等份.

3.將(水)皮壓薄包實油皮,如上圖.

又係你- 光酥餅 (食譜)


2010年12月4日下午9:11公開累積瀏覽 2857 9
                                                                        




                呵呵! 今日又整光酥餅!

                    一共有三款口味
      除了原味,還自創綠茶&咖啡呀!
                        真係各有各的風味
                  誰也搶不到誰的風采!
 
 




 
綠茶味食譜:
75g低筋粉,8g 奶粉,,綠茶粉3/4茶匙( x治綠茶粉)
1/4 茶匙  Baking Soda, 1/2 發粉,1/8茶匙 嗅粉.
水15g,全蛋液16g
砂糖38g, 固體菜油15g.
 
咖啡味:
75g 低筋粉, 5g 奶粉,2g 吉士粉. 雀巢咖啡粉1包 1.8g
1/4茶匙 Baking  soda,1/2 茶匙發粉,1/8茶匙嗅粉,
熱水15g, 全蛋液16g
砂糖37g ,煉奶4g., 固體菜油15g.
原味:
75g低筋粉,8g奶粉,2g吉士. 1/2茶匙粟粉
1/4茶匙 Baking Soda ,1/2 茶匙發粉, 1/8茶匙嗅粉
水15g 全蛋液16g
砂糖33g, 固體菜油15g
做法:
所有粉類過篩1次.
中間開一個圈.
加入水,蛋液,砂糖固體棻油.稍拌勻,再同粉拌勻.
麵團搓至光滑,蓋上濕毛巾靜止30分鐘, 分成6 份.
預熱焗爐180度10分鐘,入爐160度 中層焗15分鐘.
 
小小心得:
新鮮出爐,有陣怪味(亞摩尼亞),不用怕.
因為放涼後就冇咩味,
變成光酥餅獨有的氣味.

光酥餅 - (參考網站)食譜
2010年11月30日下午5:27公開累積瀏覽 1640 12

 
 

                 今日整了15個光酥餅 .
           已經 食了5隻,因為中午冇飯食呀!
                   咁大個人都未試過一日食5隻

                                       
  第1批 出爐的光酥餅
                     熱烘烘
               烘到貼....深呼吸
                         好難頂
               好大陣.....  尿......味呀!
                         
                                  唔服氣
      又再整..今次減少一半嗅粉份量(開水)
                          冇問題卦
                                 吓!      
               都係有陣 尿味喎!

               Edmund Sir, 點算呀!
              我唯有 一啖掉入口,唔索佢啦!
               好彩放涼之後 冇咁大陣味姐
                 頂得住,口感都YUMMY,ok架
                      仲食左5隻,算捧場Lu 卦!
                                              
睇睇製作過程

 
  麵團我冇用手搓,怕黏手
 只用保鮮紙包住,搓幾下,解開.
 

    30分鐘後係咁樣,剪開比大家睇內部組織先.

                         每個約重 32g,真開心,入爐了.
                                    好快有得食!


 
 
 
http://www.vdonext.com/index.php?fuseaction=Features.Archive&channel_id=575603&program_id=1147712
後記:
隔左9小時,打開蓋.
已經唔覺有難頂氣味.
預熱焗爐180度10分鐘,
入爐詔降至160度 ,放中層,焗15分鐘.