原來只靠手搓真的可以做出美味鬆軟的糕!
我好心急,立即把原個熱烘的馬拉糕切開.
好有層次喎.
真係唔愛食都要睇吓啦!
嘻嘻......自己稱讚自己都咁開心.
其實,幾年前有位Blog友曾告訴我,
佢跟師傅學的馬拉糕,係用手把麵種和糖搓溶的.
但我每次都搓到手軟,都不能將麵種搓.....後來放棄了.
(因為我當時唔識加入蛋,故搓極都唔溶)
到近月,邊執屋邊看書.
無意中發現馬拉糕的食譜,做法又係用手把麵種和糖搓溶的.
真的好有興趣.
原食譜份量好大.係用豬油.
我沒有豬油,改用其他油.
參考.試做.失敗
了兩次.將食譜稍修改.
終於做出美味的麒麟紋馬拉糕,總算學多一點點!
提提大家,食一件都有成7g糖呀!
我的新蒸籠內計高3又1/4吋.(籠底內至頂)
糕頂竟然剛剛頂蓋,約有1元硬幣的面積.
食譜:6吋馬拉糕1個
麵種68g,雞蛋58g,糖粉42g,奶粉8g,
吉士粉8g,梳打粉/依士各1/4茶匙,
花奶28g,低筋粉10g.
鹼水1/8茶匙,泡打粉1/2茶匙.
(牛油10g,橄欖油5g.)坐熱水至溶
做法:
1.將麵麵種,糖粉,奶粉,吉士粉,梳打粉/依士放入盆內,分4次加入蛋.用手拌至沒有粉粒,
加花奶拌勻成幼滑的漿
2.取2湯匙漿加低筋粉拌勻,再和餘下漿混合
拌勻,過濾1次.
3.用保鮮紙蓋面,加毛巾保溫,靜止8-10小時.
4.待糕漿有蜂眼呈現,加入鹼水拌勻.
然後取出少少糕漿與泡打粉拌勻,
再倒入糕漿內攪勻.靜止15分鐘.
5.最後,加入暖油攪拌勻,大火蒸25分鐘.
下圖是靜止8小時呈現的蜂眼
靜止10小時呈現的蜂眼
糕漿有適量的蜂眼.
表示糕漿經第2次發酵後,產生重酸性.
所以要加入少少鹼水中和其酸性.
麵種:可做兩個
1. 先將 23g溫水+1/4依士+1/8糖拌勻,
再篩入低筋粉45g 拌勻.蓋上保鮮紙2小時.
2.先將低筋粉45g加 23g溫水拌勻,再與(1)料混合,
蓋上保鮮紙4小時.呈網狀.
麵種可存放冰箱1個月.
溫馨提示:
蛋要逐小加入,每次用手搓大約1分半鐘.
坐熱水搓有助麵種,糖粉更快溶
蒸的期間,盡可能不開蓋加水,以免令糕瀉身.
蒸架太矮,水一滾,會滾入蒸籠底,蒸架高又頂蓋.
糕漿至少過濾1次,以免蒸出來的糕面有粒粒.不光滑.
起膠質呢!
