士多啤梨果醬-食譜

 

自家製士多啤梨果醬,

 

味道天然,

 

未食都令人口水流.

 

多謝Blog友阿怡的分享.

 

 

先同大家分享我的搞笑心得先:

由於士多啤梨採摘時間倒算數都係得兩星期.

再同牛牛走去草莓園.

今次D士多啤梨雖然細細粒,

但更甜美.(雨水過後的比較淡味.)

咁多草莓試吓整果醬啦.

以為150g草莓可以整1樽啦

幾辛苦才尋找到1個樽

我為了要把樽消毒.....又滾又焗

煮好了,我冇偷食呀.得咁多多咋

得3湯匙55g-60g左右,

使咩入樽呢!!??

我下次最少都要煮1磅呀.

 

 

愛上食自家製的竹炭合核提子包,

點上少少果醬,又係另一種的食法,好醒胃.

 

 

 食譜:

士多啤梨 （150g）

糖 （50g）可 按個人口味,加或減糖.

檸檬汁 （8g）

 

預備1個玻璃樽

1.洗淨玻璃瓶和蓋。

2.放入滾水中煲10分鐘。

3.滴去多餘水,用廚紙索乾水份後，將蓋及瓶身倒轉放入已預熱的焗爐(大約110度）約20分鐘。

4.剪一塊比瓶口稍大的保鮮紙/牛油紙。

做法

1.將有機士多啤梨洗淨，去蒂，用廚紙完全抹乾水。

2.加入半份糖及檸檬汁攪勻，放入雪柜雪1個半小時.

 

3.用中火將士多啤梨連糖水煮至軟身。

4.轉細火，加入其餘半份糖至溶解。

 

5然後開大小小火，邊煮邊攪拌,慢慢煮至杰身即成。

  

6.趁熱倒入瓶中，需預留少許空隙位置，不要倒太滿 。

7.把圓形保鮮紙/牛油紙實貼於果醬面上,

輕手按平,壓走紙內的氣泡。

8.瓶身稍涼，才從焗爐中取出瓶蓋上緊。

9.倒轉放下直至完全冷卻，然後放入雪櫃中儲存。

 

 

小小心得:

1.煮好的果醬,放涼後會更杰身.不要煮得太杰.

2.因為沒有添加防腐劑，保存期始終有限，所以應盡快吃完！

一般而言，可存放20天。

2.在製作過程中如處理不當，亦會直接影響存放期限，例如瓶中有濕氣，生果洗淨後未有徹底印乾，沒有趁熱入瓶，及沒有倒轉放涼等等.

 

小鴨子/蝶戀花杯子蛋糕-食譜/造型

 

玩了幾日cupcake,開始感受到你的魅力.

點解咁受歡迎.

 

 

 

 

食譜同玫瑰花杯子蛋糕一樣,

啖啖花香,好好食.

 

 

6隻迷你杯子(約2又1/3吋)

低筋粉85g

發粉1/2茶匙

牛油45g

砂糖45g

幼鹽少少

雞蛋50g

鮮奶40g-45g

玫瑰水5-6滴

裝飾:

糖膏適量

色素少少

 

 

 

做法:

1.用電動打蛋器將牛油加,糖,鹽,打至浮身,呈乳白色.

2.蛋打散,分3-4次加入.每次約打30秒 至蛋液完全溶入.
3.先加1/4鮮奶拌拌勻,然後加入1/4已篩好的麵粉.
改用手動打蛋器輕手拌勻.
重複以上做法.把所有材料拌至冇粉粒.
加入玫瑰花水拌勻.
4.平分6份入紙杯模內,約7成滿.
5.預熱焗爐170度 ,焗18分鐘.
 
 

溫馨提示:

這款CUPCAKE易做又好味.

鮮奶,麵粉要分次相間地加入蛋糊.

蛋糊容易控制

裝飾可預先做好,待乾才放入盒內.

隨時可替CUPCAKE扮靓.

 

春暖花開

今天學畫, 兩隻麻雀一靜一動,.
原來企定定,靜的更難畫呀..

玫瑰花杯子蛋糕-食譜/造型

 

 

 

杯子蛋糕玩法多變,我對玫瑰花可說是情有獨鍾.

在平凡的cupcake上,

輕輕放上一朵淺粉紅玫瑰花,

多優雅

已經令我好迷戀.

我同牛牛食了1隻.

呵呵....有人讚好味呀,真開心.

又真係幾好食Bor.

要同大家分享先得.

 

食譜:可做6隻迷你杯子(約2又1/3吋)

低筋粉85g

發粉1/2茶匙

牛油45g

砂糖45g

幼鹽少少

雞蛋50g

鮮奶40g -45g

玫瑰水5-6滴

裝飾:

糖膏適量

手造玫瑰花,葉子一片

做法:

1.用電動打蛋器將牛油加,糖,鹽,打至浮身,呈乳白色.

 

2.蛋打散,分3-4次加入.每次約打30秒 至蛋液完全溶入.
3.先加1/4鮮奶拌勻,然後加入1/4已篩好的麵粉.
改用手動打蛋器輕手拌勻.
重複以上做法.把所有材料拌至冇粉粒.
加入玫瑰花水拌勻.
4.平分6份入紙杯模內,約7成滿.
5.預熱焗爐170度 ,焗18分鐘.

 

溫馨提示:

這款CUPCAKE易做又好味.

只係鮮奶,麵粉要分次相間地加入蛋糊.

 

 

 

紅酒燴牛尾-附加食譜

 

在家烹調呢味紅酒燴牛尾,

要好用心,

由切配料到有得食,

分分鐘花上幾小時

真係慢工出細貨.

 

但見到家人欣賞,食得津津有味都係值得.

 

以下煮法經過咀刁牛牛指指點點.

只用1枝細紅酒,仍可散發出微微酒香,

唔愛飲酒的人都LIKE

多得你的彈....多謝你的心得.

更多謝你一句咁就OK嘞!

雖然今天你已經不吃牛.

 

 

 

材料 :

牛尾 大約550g

洋蔥一個

乾蔥頭2粒

西芹1條

蕃茄 2個

紅蘿蔔 一條 180g

茄膏 約2湯匙 40g,茄汁15g

紅酒 約180ml, 留起2湯匙後下,

自製上湯:蠔油25g水500g 黃糖20g拌勻
唔想自製上湯,可改用500ml牛肉清湯或雞湯代替.  

香葉 3塊

牛油10g 

 

麵粉適量 

醃料:

胡椒粉少許, 鹽1/4茶匙,生抽1/4茶匙

 

調味料:

鹽少少,黑胡椒1/4茶匙,糖5g

做法:

1.牛尾洗乾淨,用廚紙索乾水,加醃枓醃15分鐘.

煎時拍上麵粉.

2.乾蔥頭,洋蔥去衣,洗淨切條.

紅蘿蔔去皮切件,西芹撕去筋切粒,茄番去皮去籽切粒備用.

 

3.燒熱煎pan,下牛油慢火把牛尾煎至金黃.

拌入5g茄膏,灑上少少糖,再煎多20秒,

小心灒入紅酒5g-10g,盛起備用.

 

 4.另燒熱鑊,下油1湯匙慢火爆香乾蔥,洋蔥絲至軟身,

渗出香氣,加紅蘿蔔,西芹,番茄,香葉爆炒一會.

          5.拌入茄膏2,茄汁快手兜勻,加紅酒蓋上煮5分鐘.

      6.加上湯煮滾,放入牛尾,水剛蓋牛尾面,滾起蓋上收細火,

炆3小時至腍身,汁濃稠,有點離骨.

7.下調味料,加2湯匙紅酒,試味.

轉入瓦煲焗2-3小時, 食前翻熱.

 

溫馨提示；
 1.牛尾要要拍上麵粉才煎香,除了鎖住肉汁,

炆完才有酥鬆口感.

                  2.留2湯匙紅酒後下,汁液更有酒香.
                  3.煮的過程每隔半小時兜一次,
                  特別炆兩小時後,因汁液濃了,易痴底.
                  4.焗多2-3小時,令牛尾更腍更入味,
                   用小火翻熱,小心睇火.. 以免痴底.

文鼎壹號-免費食蝦餃

早已好想同牛牛到 文鼎壹號飲茶.

每次我話去佢一定SAY No.

佢話寧波菜你會like食咩??

玲:老公呀.....我好愛那兒的格調.陪我去1次啦!

就是坐吓飲杯茶睇你食都抵.

牛牛大聲回應:你係要去我一定同你去,天腳底都陪,

不過你自己一個人入去,我只在門口等你!

氣死人.....呀

有時真係好憎自己,係咪冇佢我食唔落呢?!!

同老父,老媽,兒子或朋友去唔得咩?

原來真係唔得呀.

唔知幾時隻老牛在我心目中已經變得咁重要.

想問係咪個個女人都係咁呢?

還是只係我太痴!

 

 

恨左兩年.我兩終於在上星期走進去.

一坐又個半鐘.

佢成份報紙都睇晒,

我看完花鳥,飽餐一頓,

好似一棵無憂樹站在玻璃窗前,飽覽無敵海景.

好開心呀.

 

如果大家有興趣去飲茶,

入門口時,記得拎張蝦餃優惠卷呀!

叉燒包,咸水角都係8元.

優惠限期到4月尾.

想念你

前兩晚,我同牛牛都想起中大的桃,梅.

於是趁風雨未到之前,

走去看一看.

原來桃仔,梅都長大了不少,

池中盛放的睡蓮,吸引不少賞花人.

桃紅的X杜鵑

 

 我兩一心探完桃,梅,就去中大飲茶.

可惜,差兩分鐘時間......遇上狂風大雨,
困在這兒半小時.
難忘牛牛呱呱叫: 都叫你睇梅快D啦.
呢埸雨有排落呀.
人留人係假的,雨留人才真....動氣得很.
玲: 你看!你快看!蝴蝶雙雙對對在飛舞.
牛牛給我氣壞了:你真係多幻想.
枯葉掉下當蝴蝶,呢個時候你仲扮咩詩人.
你老公我就快餓暈喇.

 終於可以嘆茶了. 呢度的安蝦咸水角係牛牛最愛吃.

呢幾日都會下大雨,刮大風.

不知多少花,果受摧殘.