京都豬扒-食譜

 

 

 

 

 

年紀大,唔夠牙力.

 

煮豬扒都要花少少心思.

一定要買梅頭,仲要加少少蛋汁.

入口多汁,唔乾身.

至於汁,酸酸甜甜,令人口水流.

我比較喜愛用鎮江醋加大紅浙醋.

 

食譜:

梅頭豬扒300g

洋蔥半個(切幼絲)

 

醃料:

生抽1湯匙

老抽1/4茶匙

砂糖1茶匙

紹興酒1茶匙

雞蛋液3/4湯匙

生粉1湯匙

梳打粉1/8茶匙(可以唔加)

適量生粉撲面(後加)

京都汁:

鎮江醋1湯匙,大紅浙醋1湯匙

生抽2茶匙

茄汁1/2湯匙,

砂糖1湯匙,蜜糖1湯匙

水1又1/2湯匙,生粉1茶匙

 

將所有京都汁料拌勻.

做法:

1.豬扒洗淨,吸乾水份,用刀背把兩面輕輕拍鬆.

將邊位的筋切開,再用叉插豬扒10幾吓,更易入味.

2.豬扒加醃料拌勻,醃半小時.煎時撲上生粉.

3.燒熱油,將豬扒煎至兩面金黃至熟.盛起.

4.炒香洋蔥絲,加入京都汁料細火煮滾.

待汁濃稠,要試味,加入豬扒拌勻上碟.

 

 

 

 

煎豬扒小心得:

燒熱鑊,下油,用大火先將豬扒一面煎香,約10秒.

再反轉大火煎香另一面.這樣可快速把水份鎖住.

唔會一面煎一面出水.

然後用中細火把煎豬扒兩面至熟.

 

 

 

 

 

 

 

 

 

 

婚紗曲奇/中式禮餅曲奇

 

 

 

 

 

 

 

 

 

 

 

 

 

 

 

 

 

心型曲奇-食譜

 

我太耐冇玩婚禮曲奇.有點手痕心思思.

曾幻想白色婚紗有1隻紫色的蝴蝶.

 

所以於上星期五開始做餅底.

測試脆的程度可以保存多少天.

才再加上蛋白霜扮靚D

今天是第7天,依然脆卜卜.係酥脆呀!

 

呵呵!又幾好食bor

呢兩日,我已經食左5隻,

心心曲奇分分鐘給我吃光,

都沒有1對婚禮曲奇睇吓啊

 

食譜:大約11隻

牛油55g

糖粉25g

低筋粉110g

少少鹽

1/16茶匙梳打粉

 

160度,中層焗9分鐘,下層焗3分鐘

 

 

 

 

因麵團冇蛋,牛油只佔麵粉一半,

拌時有少少乾,

要放 雪柜雪2小時

 

 

5毫子1粒蝦餃-煌俯

我的牛郎愛食羊.

自從早兩個月前在尖沙咀幸福中心.

煌俯專門店食過好Yummy的羊鞍,

久不久就會來飲茶,嘆羊再三回味.

當然1元兩隻蝦餃係唔會錯過啦!

 

今日食左3款:

 

焗豬排飯,

羊鞍

蝦餃

兩位茶

埋單$101元

碗碟好乾淨,3味都好好食,

牛牛話好想連羊骨都食埋,

真開心

 

呢度的佈置以白色為主,

仲有部白色的鋼琴,

令舒適,優雅的環境增添一點浪漫.

 

麻婆豆腐-食譜(上)

 

 

 

提起煮豆腐,或者好多人都怕怕.

怕煮散似糊仔.

連我的牛牛大廚都中招呢一面兜一面呱呱叫呀!

唔好嬲.....總有方法去烹調

1.將豆腐切丁粒,放入熱水燙2分鐘.

2.切開灑鹽.

(我一向都係用灑鹽呢個方法,估唔到叔嬸你都係bor)

 

食譜:

 

(街市)滑豆腐一件.

絞碎豬肉120g

蒜蓉1.5湯匙

蒜蓉(辣)豆瓣醬1又1/4湯匙.

 

醃料:

鹽1/4茶匙,

生抽1茶匙,

老描1/4茶匙

糖1茶匙

胡椒粉少少,

油少少,

生粉1茶匙.

 

獻汁:

10-12湯匙水,

1湯匙生抽,

1/2茶匙糖

1茶匙生粉

 

做法:

1.豆腐切(24丁粒),灑1/2茶匙鹽醃15分鐘,

沖水,瀝去水份.

2.絞肉加醃料,1/2湯匙蒜蓉,少少油拌勻,醃15分鐘.

3.燒熱鑊,下油快手將豬肉炒散炒至7-8成熟,

加1/4湯匙蒜蓉(辣)豆瓣醬,7味粉,炒至9 成熟,盛起備用.

4.下少少油,爆香1湯匙蒜蓉和餘下1湯匙豆瓣醬.

炒至聞到陣陣香味,香氣四溢,小心放入豆腐,
下汁料慢火煮滾.等豆腐更入味.大約煮4-5分鐘.

5.加入已炒碎豬肉. 輕輕推幾吓至豬肉熟.
動作不要太大,以免弄散豆腐.

個人喜好:灑上7味粉或花椒粉.

我每次煮呢款菜,

都回想起剛結婚返娘家食的一啖豆腐.

未吞下肚,大叫好味!

我:媽你落左咩呀?

媽媽: 豆瓣醬咋,你冇煮來食咩?

 

後記:

牛牛話:雖然我煮的麻婆豆腐唔散,

但是屬於粗魯出版.

應再切細粒一點,

那就更精緻又入味道.

 

酒紅酸薑.食譜

 

 

子薑加入1粒蒜頭醃了3天,

開始散發出悅目的酒紅色.

 

好醉人.

 

雖然你沒有街外的紅噹噹.

但淺淺的紅也比白色好看.

 

 第2天

 

剛入樽

 

 

自從 在尖沙咀(江順河鮮酒家)

食過欖角酸薑蒸魚頭.

 

 

一試難忘.好yummy.

回家開始自己醃酸薑.

間中撈幾片蒸個大魚頭都幾滋味.

 

 

食了一小塊都好醒胃

  真的是蒜頭產生作用嗎? 

食譜:

子薑100g

白醋110g

冰糖55g

(愛甜一點,可加15g )

蒜頭1粒

 

做法:

子薑刨去表皮,切片,用刀輕拍.

灑上1/2茶匙鹽拌勻.

放入筲簊瀝乾水.

(我放在窗台吹3小時)

用紙索乾水份.

入樽,加醋,最後放入冰糖,

糖會慢慢浸溶

 浸3日就食得.

 

子薑的時令季節(夏天).

 

 

一個難忘的中秋

3年前,我想到小白鷺過中秋,放願望湖燈.
但full左.

去年,牛牛又話冇心情呀.

今年,佢忽然提我訂位.

我地訂農曆8月16日.
(每位198,任食,汽水每人1罐,唔夠飲自己買.)

當日,6時正已經到場.四周閒逛一吓.

6:30牛牛為我下廚,大叫好熱啊!(身水身汗)

我:見佢搞到身水身汗,焦了好多都死頂話好食,飛晒黑邊啦.

 

 

 

呵呵.....讚一讚係唔同D.睇佢幾用心燒海蝦,青口和多春魚.

 

我一邊食一邊欣賞湖光山色.

又走到樓下的精品店探貓,牛奶仔正在開餐Bor.

食飽飽,去放湖燈.....

係我今晚心情最雀躍的一刻.

好小心拎住呢兩隻小船走到碼頭.

有專人將紙船點上燭光,

把小船輕放願望湖,一閃一閃好有詩情畫意!

 

叫人看得入迷!

等我影番幾張相,留作美好的回憶.

 

點解影唔到呀!似是黑漆一片.好心急又冇法子

只好眼光光望著小船,載著我的願望.....愈飄愈遠.
心願亦永遠埋藏在湖底心深處吧!

 

 

 

 

 

 

回程沒有坐車,沒後悔同你走過這條幽靜,
黑漆漆的路. 只係有點心驚驚!