香草吞拿魚包-食譜

 

 

 

呢款香草吞拿魚包.

唔知點解我的牛牛好愛吃.

我就密密為愛牛做包.

每次只做4隻包,好矜貴.

而我每次都必定加入一舊麵種,

用麵種做包好方便,算是歷史悠久的做法.

 

仲叫我唔好隨便更改配方.

呢個5月,我已經整左50多隻吞拿魚包喇

依然未食厭呀!

 

 

 

 

 麵種:

高筋麵粉 160g

水96g

快速依士2g

 

做法:

1.將材料放入攪拌器中,以慢速攪勻,再轉中速拌勻.

2.滾圓，放入已塗油之盤內發酵2小時。

3.取出排氣，再分割成4等份, 然後分別滾圓。

4.發酵完成的麵糰，可以即時加入主麵糰中使用.

5.又可分別用保鮮紙分別包好，放在冰箱中，可存放一個月。

6 到使用前取出,室溫回軟便可使用。

食譜:可做4個

1份麵種

主麵團材料:

高筋粉80g.

砂糖10g-12g

牛奶48g

蛋12g

奶粉4g

依士2g

幼鹽1/4茶匙

牛油4g,粟米油4g

餡料:
吞拿魚1罐95g瀝去油份壓散拌滑
(Select初柞橄欖油浸吞拿魚)
加入切碎的洋蔥60g(盡量切細粒)
丘比沙律醬10g,1/2茶匙糖拌勻,平均分4份

做法:

1.麵種加入主麵團所有材料用機攪拌成麵團
大約3分鐘,拌至可以離開盆.
 (先開機用低速攪拌2分鐘,後轉中速1分鐘)

2.滾圓，放入已塗油之盤內,蓋上保鮮紙,
發酵大兩倍, 大約40分鐘.

3.桌面灑少少麵粉,取出麵團排氣,分割成4等份,滾圓,蓋上保鮮紙,鬆弛15分鐘.

4. 將麵團壓成橄形,餡料放在中間,對摺從中間向兩旁捏緊,收口向下.
注意邊位不能有餡或油,摺口會摺唔實 

5.面輕界幾刀,發酵40分鐘,比原本大兩倍.
小心塗上蛋液,唧上蛋黃醬,灑上香草.

6.預熱焗爐,170度,大約焗15分鐘

 

未發大的麵團 

40分鐘後,發大後的樣子 

 

 

正在進行第2次發酵中,

整盤放入焗爐,下面放一兜熱水,

冬天20分鐘換熱水1次. 

 

 

溫馨提示:

麵種排氣滾圓時,可能有點黏手,用膠刮壓搓就容易好多.

為了口感更好食, 用膠刮剷起攪拌成團的麵團,

大力撻8-10次.(膠刮塗上薄油唔怕黏住麵團).

手掌塗少少油,輕易把麵團滾圓,進行第1次發酵.

包好餡後,立即用小刀在面輕劃幾刀,

如果待發酵完後才劃,怕包會穿,漏晒氣.

酥炸生蠔-食譜

 

我唔鐘意食白色果塊東西,硬硬,所以小心剪去.

 

未加油的狀態.

我唔識食生的蠔.

但我又好愛吃薑蔥生蠔,芝士焗蠔喎.

酥炸生蠔好少食,一來怕熱氣,二來好怕個脆漿太硬,

又或是要食大大舊漿,先至品嚐到隻蠔.

於是,自己在家試吓炸蠔食嘞.

嘻嘻.....又幾好食bor.

食譜材料:

生蠔6隻

 

脆漿料:

麵粉37g

生粉7g

雞粉1/4茶匙

梳打粉1/8茶匙

發粉1/4茶匙

清水3-3.5

油1湯匙

 

 

醃料:

鹽少少,胡椒粉少少,1/2湯匙麵粉.

 

做法:

1.將粉類篩入盆,逐少加水拌成冇粒

厚身的麵糊,再加油拌勻.靜止半小時.

2.生蠔用少少粟粉加水,輕力洗乾淨.

3.燒熱薑蔥水,放入生蠔飛水大約20秒.

撈起用廚紙小心印乾水份.(水不要大滾,怕蠔勁縮水)

4.挑去白色的硬塊,加入醃料醃10分鐘,

撲一層薄的麵粉.

5.中火燒熱1又1/4碗油,生蠔沾上脆漿,立即逐隻放入

油炸至金黃,撈起,放在廚紙上瀝去油份. 用喼汁蘸食.

呵呵!今次炸得好起勁.炸完蠔用餘下油再炸洋蔥圈.
一炸再炸油都KEEP得幾好,唔混濁.
最好用篩過濾盡快用完.

溫馨提示:

我好少炸食物,火大好易焦.細火又炸唔到.

一定會測試油溫,用筷子挑半茶匙漿滴入油內,

見漿發大浮起不沉底.

生蠔在撈起前,火力稍提高,可把油份迫出來,

食起來會少油更脆口..

 

 

 

 

 

夜賞郵輪碼頭

好開心再次同牛牛走到郵輪碼頭公園欣賞夜景!
(唔使等10年再重遊! )
雖然我的傻瓜機影得濛濛地,

大家加少少幻想力.....

係咪感覺景色更浪漫,更醉人呢!

 

溫馨提示:

郵輪碼頭公園的開放時間到晚上11時.

但留意開往德褔的尾班小巴係晚上8時正.

 

 

夜賞水景花園,還是第一次呢!

看看地下的竹,真慘! 全部都枯黃快死了.是冇人打理嗎?

我的甜蜜蜜玫瑰園-2

 

自從租了一塊小田園.

我兩久不久就到田園走走.

昨日,又拎住樽愛心袪濕茶走到小田園,

 

玫瑰花被摧殘得剩下半條花命

捱盡3星期風雨,飽受曝曬的瓜;

剛剛的長出小小的瓜來,

已經吹到東歪西倒歪.

我兩化一小時才把瓜苗扶持起來,

大家都曬到汗流浹背,面紅耳赤.

 

唉!我的小田園,為何你一出世就要經歷風風雨雨呢!

看!瓜雖然只有手指尾咁大,未知是否可以茁壯成長,

已經令我好雀躍

經過幾星期,我已同園莊的小貓,貓媽媽結成好友,

佢地一見我就從四面八方跑出來,發出好友善的喵喵聲.

令我好SWEET呢!

溫馨提示:

呢個月份雨水太多,種植農作物會比較困難.

落田要穿水鞋,一來免被蟲咬,二來方便自己在泥地上走動.

準備蚊怕水之類的物品.

 

清熱袪濕茶

最近,天氣熱,有時濕度高,好多時都疲倦冇咩精神.
我都會煲袪濕茶來喝,
解除體內的濕氣.
打開包袪濕茶,我一定玩吓隻蓮蓬.質感有點似海綿,.

其他材料有:木棉花,茯苓,澤瀉,土茯苓 ,赤小豆,扁豆,薏米等。
主要有去濕功效
呢款茶真係好易煲,包裝上註明做法.
所有材料洗乾淨,10碗,加糖,煲1左時左右就OK了.

我怕只係沖洗會唔乾淨.

我會燒一鍋熱水,滾1-2分鐘,再沖洗.

除材料外,仲加了入1斤冬瓜連皮,洗乾淨先煲1小時,
加入40g冰糖,再煲多半小時少少甜,好飲呀.

泰式菠蘿炒飯-食譜

每次叫菠蘿炒飯,都係見圖片有半個菠蘿,貪佢夠靚才order!

不過,好多時得碟炒飯,唔見左半邊菠蘿,令我感覺不夠完美!

心有不甘,就是要做個似樣的菠蘿炒飯出來.

我呢個炒飯唔敢講好掂,至少都有半邊菠蘿睇吓吖

 

食譜:

1.菠蘿個

2.白飯4碗

3.雞蛋2隻(加少少油打散)

4.雞柳100g

5.蝦仁12隻

6.青豆1湯匙 (熱水滾1-2分鐘)

7.泰國腊腸1條.

我沒有,只好用果汁豬肉乾20g切小塊代替

8.葡萄乾1茶匙

9.腰果12粒

10.肉鬆少少

蝦仁醃料:

1/8茶匙鹽,少少胡椒粉,1茶匙生粉.

雞柳醃料:

1/4茶匙鹽,1/2茶匙魚露,1/2茶匙糖,少少胡椒粉,.

調味:

黃薑粉1茶匙,咖哩粉1/2茶匙,鹽1/2茶匙,1/2魚露

 

做法:

1.菠蘿切開,小的起出肉切粒,大邊挖出肉留用.

2.蝦仁去腸,洗乾淨加醃料醃15分鐘.

3.雞柳切粒,加醃料醃20分鐘.

4.燒熱鑊,下1湯匙油,炒熟雞柳,蝦仁盛起.

5.另起鑊,下1大半湯匙油,加入白飯,調味炒勻.

6.把飯推開,中間注入蛋.快手將飯拌入蛋液兜勻.

7.將蝦,雞,青豆加入同炒一會.

8.最後加入菠蘿,葡萄乾,豬肉乾炒片刻.試味後

轉放入大邊的菠蘿內,擺上腰果,肉鬆即成

 

溫馨提示:

飯要放涼,挑鬆加幾滴油拌勻更易炒開.

我係用即食腰果,想脆口,用白鑊烘一會,擺上飯面同食.

悠悠閒遊石澳

年紀愈大,愈愛同老伴牛牛四維閒逛.

今次我兩走了去環境清幽,景色怡人的石澳.

牛牛以為同我在海灘漫步,給海風KISS一吓,

就叫做曾經同我到此一遊

我識D唔識D狂問:

唔係有個小島咩.....石仔連接一起,可以行過去喎!

老襯亭又在那兒呀!

終於給我兩找到了,藍色的橋下是鋪滿石仔.
雖然大家都行到汗流浹背,底衫褲盡濕.

依然好開心谷盡一口氣,行到橋上,欣賞石澳大頭洲的美景!

 

 

好鍾意去到邊,食到邊.
我牛牛好愛食泰國菜,

試吓呢間石澳中泰海鮮酒家,叫左菠蘿炒飯.
見圖片有菠蘿Bor

點會炒飯一碟呢,食了兩啖.....呵呵!我好有信心做得更出色.

難得呢個時候,老公為我引雀來.

看!食得多滋味!

交通:

筲箕灣A3出口,9號新巴,

有紅色小巴A2出口,左邊就係.車程大約30分鐘