敬輝農場

幾年前曾經到敬輝農場晚飯.
一直都想再去閒坐.賞蓮花.
想唔到昨日同牛牛行南生圍,
行行吓就走入敬輝農場.
嘩!今次的花池真係令我眼前一亮.
蓮花盛放似花海!
朵朵花兒向我兩歡笑,向我兩投懷送抱,
看到我的心也融化了.

立即買碗豆腐花9元,1碗餐肉麵25元,
慢慢嘆!

慢慢嘆是假的,倒入胃係真的.

我飛快地走到浮木上,置身一大片花海中,

扮花,向木獨的牛牛招手.....

終於,牛牛都被我吸引走進花海呢!

 

 

謝謝SeeWide 停不了

 

 

 

 

 

 

首先多謝SeeWide對Blogger的支持和慷慨.
讓我可以盡點點的綿力.
也感受到無比的開心!
我從來沒寄望寫Blog會有薄酬.

原來在SeeWide寫Blog係有的.

 
記得去年6 月中,因失去小柏,好傷心.
個幾兩個月都冇心情寫嘢.即使家人經常同我四處閒遊.
但個心真係好苦.....
10月份,向SeeWide查詢有多少酬金.
大約有75元左右,還未夠100元.
收拾破碎的心情,加油.....寫呀寫.
到今年1月份終於夠資格捐贈,仲穿了100大元.
早已決定將1年的稿費全數捐出,
作為對1隻流浪貓-小柏點滴的愛意.
小柏將永遠活在我的記憶中.

寫到呢度,我又禁不住凄然下淚.

 
好多謝你你你的瀏覽,無言感激!

三門仔皇朝漁苑

好鍾意同牛牛到三門仔皇朝漁苑飲茶.

我更喜歡無敵海景的座位.

一邊享受美食,一邊飽覽怡人的海景.

又可欣賞魚兒在池中游來游去,

間中四周行吓,唔使坐到腳都痺.

呢個早茶要300元.

脆皮乳鴿,芋茸香酥鴨,叉燒酥,珍珠雞最好味YUMMY

  

貴係貴D,但大家食得開心,就物有所值啦!

 

我地食飽就四處遊覽三門仔的風光.

環境山明水秀，充滿漁村風味.

給我一份恬靜自然的感覺

看著一望無際的大海,

擁抱一葉一葉的小艇

 

 

景色多麼令人陶醉啊! 

 

 

可惡的葡萄

 

這是堂上畫的葡萄,

回家一粒都畫不出來......好可惡呀!

綠色煮意

沒想過火炭工業區,開了一間-綠色煮意西餐廳!

我當然要拖牛牛去試吓啦!

 

記得當日我兩剛食完午飯.

忽然想起這間餐廳,牛牛冇我法子,

頂著個肚腩都要陪我去High tea.

沿路要經過車房,五金舖.....我的牛牛呱呱嘈

我忍....我忍.....我的忍耐力多麼驚人

鬼叫我唔識路,沒有佢陪食龍肉都冇味咩!

 

唉!終於到達門口了.


推門進入一看.

我呢幾分鐘的不快,怨氣全消了.

餐廳格調幽雅,以藍白色為主.

開放式廚房.

自設溫室水耕種植,在泛白的燈光下,份外翠綠.


一般種植25日,可以採摘,宜作沙律菜.

稍沖冰水更甜更爽口.

 

露台係餐廳的亮點.

選擇坐近露台,方便我出入賞花呢!

踏進綠意盎然露台,眼前一亮,有各式各樣的香草,

羅勒,檸檬,迷迭香.....等等!



令人眼前一亮,樂而忘憂!

 

1 Set下午茶餐,35元,

啤啤熊拉花咖啡1杯,蛋糕1小件.

 

 

在此,多謝餐廳主人袁太熱情款待喔!
 

 

 

 

地址:火炭山尾街43-47號,

環球工業大中心西翼2樓,203室

白鷺湖互動中心

小白鷺湖,係牛牛同我好喜愛去閒遊的地方之一.

上兩個月,羊媽媽誕下幾隻羊BB咩呀!

一於趁羊年探望小羊咩

兼享受二人泛舟湖上樂悠悠吧!

 

 

沒想到牛牛竟然樂意陪我瘋狂 .....浪漫.

泛舟白鷺湖上你 是多有型

雖然我兩360度遊遍全湖.

落足眼力.連1隻白鷺都看不見.

(可能時間尚早啦!)

其實單是感受湖上環境的寧靜,

湖光山色美如畫

已經令心曠神怡,好寫意了!

玩完水上單車,跟住去探小羊咩,

見到小羊咩一臉傻氣,又可愛.

佢地好悠閒地散步,

 

有時對住湖咩咩叫,

有時望住人們咩咩叫,羊咩咩聲此起彼落

.

呵呵!我為了引羊咩的注意,

買10元小草.(供餵羊食的草).

大山羊,小羊咩蜂湧上來,真係萬試萬靈呀!

見我牛牛餵得咁開心,我心也樂透了!

 

 

呢隻係貓叫-思思.

常在湖邊欣賞湖景,看白鷺

也愛跟遊人聊天.

地址:

大埔紅林路2號.

 

活動開放時間,早上11:30至下午5:30(星期六,日,公罛假期)

水上單車活動.100元20分鐘,可坐4人