雞仔餅食譜

2012年8月25日下午10:33公開累積瀏覽 2450 13

 

雞仔餅又香又惹味,而且唔太困難做.

食譜來自V壹網,送給喜歡食雞仔餅的Blog友!

濃情金箔玫瑰花 -圖片/食譜

濃情金箔玫瑰花 -圖片/食譜

2010年2月12日下午9:45公開累積瀏覽 5482 35

 

            

 

  呵呵!  我終於都成功load 到相片比大家睇了!
今年的大年初一,正正係情人節!
吳太在此恭祝大家新年進步,身體健康,有個難忘的情人節!

 
材料: 可做 6朵  @1又1/4吋
53% 黑朱古力    50g
粟膠                    22g
真係好開心,原來呢款粟膠仲好用,易坐熔,百佳有售!

做法:
1.將朱古力隔熱水坐熔,其間要反轉1次.
水滾轉細火就得嘞,注意 器具不能有水.

先到底有d熔,就反轉.

再等1會,用膠刮拌勻.

已經拌勻,好滑身.注意:但不能起晒泡沫.

粟膠坐熔,先加入些少朱古力漿,快手拌勻.

再倒在其餘的朱古力漿上,快手拌勻.
再用膠刮由左至右邊壓幾下,再拌勻.*確保粟膠同朱古力漿完全混合.

分3包倒在保鮮紙上包好.要再用廚紙包實.

效入雪柜下格,只要雪20-25分鐘就可以造型!
呢個方法好work,唔使等....等.....等到頸都長呀!
好軟身,手指都可以按得入,仲唔使戴手套tim!

用3g搓成1粒湯圓,再搓成長條,捲起.....一直捲到尾,成一個花芯.

將佢豎起來,好濛,影得唔清楚tim!

外層向外反.

右邊加一花瓣.造型.好似個心形咁,咁樣夠晒sweet !
我將花放側,希望大家看得更清楚明白.

然後再在適當位置,逐一加上造型,每片花瓣約1.5g重,就ok .
如果大家對玫瑰花造型有興趣,可以click入-咀仔形玫瑰花睇睇 Bye!
 
溫馨提示:
今日氣溫是12度.
我做了1份朱古力膠,室溫放6 小時,已經好硬.
當然用力都可以按入啦!不過手指頭都痛呢!
膠太硬勉強造型,花會又乾又硬,仲有紋tim.
所以要先拎小小放在掌心,利用體溫,輕按幾下,令膠軟化,再搓圓,壓平,造型才會靚!
但經過我的測試,我還是喜歡用雪柜稍雪!
因為呢個方法又省時,玫瑰花更有光澤呢!
 
**我曾見(駿景廣場)百佳有售**
後記:
忘了告訴大家,
二得惠開始有售.!

心心魔鬼蛋糕 布朗尼

Chocolate Brownie 真係好好味.
怪不得有Blog友稱為-魔鬼蛋糕啦!

今日整了個心形Brownie,面和內面都有合桃.
擺上一朵手造朱古力玫瑰花,好合襯啊
沒有金粉的玫瑰花係買的,來自法國$58元1朵.
自己做的朱古力玫瑰花,唔夠靚.
所以,要灑上金粉才見得吓人.
更可以插上1個Happy Birthday,
Happy Easter.....Happy Mother's Day等等的小牌.
原來Chocolate Brownie 都有可以多變呢!

小小心思:
用長方,正方形模做,切成小件,
用透明袋個別包好.送比朋友都好方便.

懷舊雞蛋糕

好一句完美的終結.
吳太都算是 愛追求完美的人.
所以,在蛋糕底加上吉士....yummy.
懷舊的蛋糕底下,有豆沙之類的餡.
我一定唔食,果pat餡,太sweet,我頂唔住.
但原來係好有意思-代表一個完美的終結.

心血5 級國畫證書

 

上月尾23/11/2013

我收到一張心血5 級國畫證書.好感動呀!
好感謝多年來一直看我畫的Blog友仔.
你地對我的支持和鼓勵!
我會鉻記心頭.
其實,另一張Grade8鋼琴沙紙,
吳太都好恨好恨......恨了20多年.
一把年紀都要追夢.
誓要練琴考8級.
默默負出3年的努力.
一千個(1000) 晚上.
終於,考到-(肥佬沙紙)一張.
但我真的今生無悔了!
 

軟心咖啡朱古力- 食譜

軟心咖啡朱古力- 食譜

2011年12月8日上午12:13公開累積瀏覽 5838 9

 

今日有閒情逸緻執拾一個小小書柜.

無意中發現 一份 Alfred Sir的朱古力食譜 . ..

 啊!這份食譜似曾相識,不經不覺已經keep了好幾年了 !

   係咖啡味我好like呀! 

等我POST 出來,同有興趣玩朱古力的Blog友 分享啦!

嘩 ! 字體好細, 今回真的要戴老花鏡了!

記得, 幾年前(大約5年)我看後當整了,都不用眼鏡喎...

唉! 原來一回頭又半個10年, 到底呢幾年我幹了些什麼???

   我不是同自己講過千萬次, 今生無怨無悔嗎!?

 黑朱古力殼  做法   /   右邊係餡的材料:


好啦! 唔好睇上面張嘞!

靚May & 空間姐姐 . 睇下面呢張,今次看得見嗎?

餡料:

淡忌廉     40g

立溶咖啡粉   2g

黑朱古力 50g

牛油 (放軟) 10g

咖啡酒   5g

下圖 :  只須看朱古力軟心做法 1,2. 就ok.

後記: 食譜中,亞Sir 沒有提供 朱古力殼的份量 !!

腰果朱古力-附加食譜

早兩日同牛牛去大O.
目的,只想參看一間Cat Cafe.
看畫.....

沒想到我會遇見多隻流浪貓,
幸好我手袋有一點貓小食.望住貓兒食到好滋味,自己真係感到好開心呢!
為食的吳太一面走,一面品嚐花生朱古力.
25元1包有4塊.約200g,要50多元1磅.
我食出唔係黑朱古力.

但有牛牛相陪,有貓貓鍚.真開心,多幸福.
每一口花生朱古力都好sweet...卜卜聲,好食呀.
回家我好想留住呢一份感覺,
但沒有花生.用腰果取代,一樣yummy.
我有空好快加上食譜.
食譜:可做12小塊.
200g黑朱古力粒.預留兩粒作降溫用.
160g即食腰果.


做法:
1.腰果加少少鹽,用130度焗5分鐘.100度保溫.
2.黑朱古力隔熱水坐溶.
離火加兩粒朱古力粒拌勻.
3.再次隔熱水坐溶.
4.加入腰果,拌勻.
5.分12份用匙把腰果稍推平成塊狀.
6.室溫擺放2-3小時,待朱古力漿乾透入樽.
小小心得:
1.要趁朱古力漿暖,
把腰果稍推平成塊狀才光滑.

2.黑朱古力好食,但要調溫,控制唔好.
調溫方法可參考:
http://happyforever8888.blogspot.hk/2013/12/blog-post.html
製品冷卻後會起白斑,不美.
用免調溫朱古力就唔會.

腊味肉鬆蒸水蛋

 

 

 

 

沒想到1條榮華潤腸,
可以做出咁美味的肉鬆蒸水蛋.
肉鬆蒸完唔會又老又鞋口,更加唔會沉晒底!

雖然我的牛牛好愛入廚.
煎,炸都冇有怕.
但是對肉碎蒸水蛋,就怕怕....唔係佢強項Wor.
每次都細細叫我,你來搞啦.
牛牛:點解我次次都蒸到又老又實??
成塊肉餅沉晒底????


玲:吓!你都唔肯聽人講. ..

其實,方法有好多.
可以加錫紙或包上耐熱保鮮紙.
我一向喜歡將蓋留一線,唔蓋實.
三分鐘打開蓋一次.蒸10分鐘左右,見面凝固
用小火再蒸5分鐘.熄火焗3分鐘就好滑嘞.

食譜:
腊腸1條,
碎肉125g,
雞蛋4隻.
水260g,
白醋1/2茶匙,
幼鹽1/4茶匙,
油少少,1/8茶匙白胡椒粉.少少蔥花

蛋同水比例1:1.2(即100g蛋120g水.)


調味料:
鹽1/8茶匙,生抽/糖1/4茶匙,粟粉1/4茶匙,少少油

做法:
1.碎肉加調味料醃10分鐘.
2.腊腸蒸8-10分鐘至熟.斜切.

3.蛋打散分次加水,幼鹽1/4茶匙打發.
去除面上的小氣泡

加入油,白胡椒粉.蔥花,白醋拌勻.
4.先取2/3蛋漿同碎肉拌勻.

5.再和餘下的1/3蛋漿稍拌勻.
6.中細火蒸15分鐘.
將蓋留一線,唔蓋實.
3分鐘打開蓋一次.蒸10分鐘左右,見面凝固
用中細火再蒸5分鐘至熟
放上腊腸熄火多焗3分鐘.

小小心得:
加少少白醋,口感更滑.
碎肉同蛋漿混合唔係一次過
係要分多次,
每次都要拌到肉碎吸收晒蛋漿,
才加入其餘蛋漿.
(我每次大約用3-4湯匙蛋漿)

蒸蛋器皿最好係深而垂直,
底掃好薄的油,易清洗好多.


 

花旗蔘螺片潤肺湯/笑口常開花旗蔘湯-食譜

 

2013年2月4日下午12:55公開累積瀏覽 1912 20

 

早幾日,我收到PR公司送來一份新年禮物.真係好開心呀!
一盒金色,一盒紅色,令我的斗室充滿喜氣洋洋
紅色盒是-加拿大安大略省花旗蔘.
盒面寫上-賞蔘樂事.令我更喜出望外呢!
金色的係加拿大(紅葉)花旗蔘茶包,一盒有22包.
過新年,食完油角,南乳脆餅.....沖杯蔘茶就唔怕熱氣嘞!

呵呵!有咁靚的花旗蔘,當然要煲個滋潤湯飲啦!

花旗蔘功效:益氣養陰,清熱生津.
螺片又可滋陰補腎.

    原來當花旗蔘湯遇上-笑口常開的蝦餃,係好好味架!
     蒸籠內有兩隻.用梳乎厘杯盛載,係咪更精緻?
    做法簡單,如上圖只要把蝦餃蒸熟,  
    注入熱騰騰的蔘湯,就成為笑口常開花旗蔘湯嘞!
真係人見人愛呢!

吳太要借呢兩款花旗蔘湯,
預祝大家新年快樂,笑口常開.


食譜:可供4人飲
花旗蔘12g-14g
瘦肉 250g
螺片2塊共40g
蜜棗2粒
無花果2粒(切開)
薑兩片

做法:

1.花旗蔘,蜜棗清洗.無花果清洗後一開二.
2.螺片浸軟,清洗乾淨.
3.瘦肉出水後,沖水.
4.煮滾9碗水,大約2000g.放入所有料.(無花果留起)
中大火滾15分鐘,轉中細火煲1個半鐘,
再加入無花果多煲半小時.
落鹽試味,趁熱飲.

好多謝Yvette 送來的新年禮物,
花旗蔘湯好好飲呀!
我已經煲過3款湯飲了.
依加,將最sweet的一款同大家分享
如果大家想了解更多安大略省西洋蔘資訊.
請click入以下網址參閱啦!
www.ginsengontario.com

懷舊雞蛋糕-食譜

蛋糕.每隻約62g.脫模計.
要用幾多隻雞蛋呢?
原來1隻特大蛋就夠了.

自從玩了1次全蛋法雞蛋糕,
我好似瘋了似的.....玩足3天,
哈.....終於整到合心意的蛋糕了

食譜:

蛋60g(去殼計)
幼砂糖42g
低筋粉45g
吉士粉1/4茶匙.
幼鹽少少
鷹嘜X奶3g
鮮奶10g
牛油10g
所有粉類篩兩次.

160度中層10分鐘,
用150度下層10分鐘.

                                                              將1隻蛋打起
                                 高速2-3 分鐘 

 

分3-4次加糖

每次加糖,大約打分半鐘

打至呈奶白色

 

分次篩入鹽和粉類,

 

再拌入油和奶

(油和奶預先拌勻.)

登兩吓登走氣泡

分兩等份

 

 

組織都唔錯.

左面自家製,

右面到(榮華)買回來的,阿仔常愛吃.

比較金黃少少.　.

)

 

 

小心得:
全蛋法必須將蛋先打發起,才分次加糖.
為了脫模容易,模內除了要塗少少油,
底都要舖上一小圓形的牛油紙.
幼鹽再磨幼同粉一起篩兩次.
才可完全溶入.