松鶴圖

左圖是老師的作品.

我好喜愛的畫-松鶴圖.

丹頂鶴對愛情好專一.

一但認定對方係自己的伴侶,

就會一雙一對,相愛到老.  

鎮江骨

呢個骨真係好鬼好食又惹味.近日食左幾斤嘞!正當我想寫下食譜時,牛牛又話要去燉奶佬.....依加好大雨呀!

飲茶樂

 

 

我好高興擁有這一片天空.

曾經說過我要坐在窗台把你繪畫出來,一講又兩年.

連油畫都停學,轉學國畫了.真係冇恆心.

最有恆心的事,都係莫過於飲茶嘞!

昨日,牛牛話想去(石船)飲茶,依加叫明星海鮮酒家.

我話慢慢行去啦.牛牛即SAY NO.行得黎都餓死老牛啦.

咁請你搭的士嘞!好彩係25元.

每次行到斜路近入口,我地都會望向下面的河水.

今次又給牛牛發現條魚,躲在枯葉下,好有趣

可惜,我又影唔切呀!

 

點解我地喜歡呢度呢.

一睇就知,有無敵靚景,令人身心舒暢.可暫且忘卻不快事.

如果坐位靠近玻璃窗.....真係唔願走.

呢度日落都好靚架

 

睇吓我地食咩:有經濟抵食荷葉飯約38,燒乳鴒22元.

帶子餃拼蝦餃...

 

 

 

 

汀角燒烤好去處

第一眼看見這遼闊的草原,特式蒙古包.

已經好想好恨同牛牛到在這兒來個BBQ.

想呀想恨呀恨....恨左兩個月.

終於如願以償.摘完士多啤梨,

再來韓式燒烤.

因為韓式BBQ有羊食,個爐,環境都比廣式好.

兩人消費約330元.任食呀.

真係諗吓都咪咪咀偷偷笑.

點解自己偷笑,咁衰呢?!

因為全程由牛牛負責,燒燒燒,....我就在草原漫步,

小鳥高興得為我載歌載舞!好寫意!

牛牛哨聲一響!

我就乖乖回去,坐定定....張開口等食.

牛牛怕熱.仲要燒嘢比我食.

弄到滿頭大汗,氣得呱呱叫:

什麼飯來張口,我前世一定欠你好多,今生有排還.

呵呵....我一一化作甜言蜜語.

好味,話咁快食剩1隻咋.

交通:

大埔火車站出,轉20c綠色小巴,

汀角路大美督嘉年華燒烤下車.

大約20分鐘.

電話:98026611

 

如果大家想趁暑假同小朋友去玩吓.

就要參加韓式燒烤,

小朋友在你視線範圍,

在草原,遊樂場玩樂.

鰂魚涌公園

悠悠閒走到嘉亨灣看海景.再漫步到鰂魚涌公園.

我好似一隻蝴蝶,在公園內,外面的長廊穿梭.

 

真係好奇怪,公園內的鳥兒聽到我吱吱聲叫,

都會從樹上飛下來,凝視我.

 

在晴朗的天氣下,我地往前走.

見到一艘退役的葛亮洪滅火輪給遊人參觀.

急急腳登上船......
嘩嘩!好開心呀!除了可飽覽維港景色,,

仲給我遠眺到啟德郵輪呀

心想這兒夜景更迷人呢!

行到倦,肚子餓.
多數到天悅廣場的嘉豪酒家.
因為有牛牛喜愛的燒腩飯.33元好味抵食.

停止虐殺流浪貓

照片中的貓名叫小柏,於20/6/2014凌晨時份被狗咬死.

 

樣貌似小柏的大小黑(後),
 同樣被狗活生生咬死.
 

 

我本來已經放低好多.一直以來迫自己相信小柏係爬樹;

捉雀仔比雷公擊中..
又或是心臟病發離我而去..久久不敢再望呢個公園.
上星期才知道係有人刻意深夜放惡狗捉貓.

從閉路電視看見小柏身受重傷腸穿肚破爛,負傷爬32級樓梯,......呼吸最後一口氣.
呢個月已經有2隻流浪貓活生生給狗咬死了.另有2隻失踪,9成遭毒手.(你話兇手是狗,還是狗主呢).
事件已經報警.,聽聞將會加強監察 事發地點:
銀禧花園同駿景園之間的公園.

 

叉燒,涼瓜煎蛋

 我呢生人好怕食苦瓜.但牛牛卻極之愛吃.
常給牛牛笑我未嚐到人生之苦,所以不會食.

近月心情好差. 晚飯都煮左兩碟苦瓜.
仲食起苦瓜來,係食左都唔知.
原來,我心依然好苦呀!