二人晚餐-番茄炒蛋-附加食譜(分蛋法)

兒子長大,為工作,為生活忙碌.

好多時都會得番我地兩人開餐.

二人餐,好簡單!

打開雪柜有咩就煮咩!

有雪到冰硬的三文魚尾,

有蛋又有兩個蕃茄

 

 

就煮我小時候好愛食的蕃茄炒蛋.

 

老了更愛.

更難得老伴一樣喜愛.

每次食相仲好滋味

咁美味10元都唔使呀!

不過,我打蛋的方式可能有點奇怪?

 

呵呵!可能玩蛋糕玩得多啦!

 

我會用分蛋法打蛋

即先打蛋白再加蛋黃打勻,

再滴兩滴油. 少少鹽打勻.

大家都見有兩隻碗.

蛋白連蛋黃一起係細碗D呀!

 

 

食譜:

蛋2隻

蕃茄2個350g去皮去籽切件

茄汁1湯匙

薑2片

 

調味:

鹽少少

糖1/4茶匙

 

做法:

1.燒熱鑊,加1湯匙待油一出煙.

 

2.加入雞蛋,轉最細火.將蛋從底部一層層剷起.

大約8成熟,用碟盛起.

3.薑略煎香,下蕃茄快炒,加1湯匙水,少少鹽,糖煮至腍.

加入茄汁兜勻.

4.除去薑,將蕃茄淋在蛋上面, 加上蔥粒

用筷子挑幾吓就成紅,黃色相間,

美不勝收的開胃餸.

 

溫馨提示:

要有蛋香,鑊要紅,油要熱,蛋落鑊傳出炸一聲

收細火或熄火,層層反起.唔會煮老蛋

因為打散蛋時加了少少油,起鑊用1湯匙已足夠.

 

蕃茄我會似乎size,大的多數喜歡在底部界個米字,

有時仲界多兩刀.放入滾水中1分鐘,沖水好易剝皮.