2014年5月8日星期四

今晚食咩餸-蕃茄薯仔紅衫魚湯食譜


呵呵!味味都係家傅戶曉的餸.
有家鄉蒸咸雞.

煎馬友,

蒜茸青炒菜芯

魚肉煮青瓜

仲有經常愛飲的蕃茄薯仔紅衫魚湯.

呢個湯係我兒時飲到大....飲到老 都唔厭呀!

明天同大家分享烹調樂

呢一餐,我最開心就係剪雞的一刻.
每次我都愛把雞擺成雞形,甚至看似在飛舞....

傻傻的我竟然扮起雞來,展翅飛呀飛!

這才可以畫上完美的句號!

食譜:

紅衫魚2條約半斤

2個大蕃茄約380g

薯仔2個中型size

洋蔥1個

薑3片,蔥段少少

調味料:

鹽3/4茶匙,

胡椒粉少少(唔喜愛可以唔落)

做法:

1.魚去鱗洗乾淨,索乾水,用1/2茶匙幼鹽醃15分鐘.

煎之前將魚內外再索乾水,撲少少粟粉.

2.蕃茄去蒂洗淨切角,薯仔,洋蔥去皮切角. 

3.水約2000ml 滾後,加薯仔洋蔥煲25分鐘 .

加入蕃茄煲10分鐘.

4.燒熱鑊,下1/2湯匙油 ,放入魚煎至金黃.

反轉煎另一面時加入薑,蔥段,將魚另一邊煎至金黃 . 

5.薯仔湯水內取兩碗熱水, 加到金黃的魚上煮5分鐘. 

6.小心將魚湯倒入原先的薯仔湯料內,再煲25分鐘. 

調味料,灑上蔥粒即成.




溫馨提示:

1.魚要煎過,湯才會呈奶白.魚煲完湯比較完整.

2.小心把魚放上湯水上面,不要用湯勺不停攪拌,

以免把魚攪到支離破碎,冇啖好飲.
3.魚鰓兩側的魚鰭剪去,整條魚會煎得更完美.
4.薯仔發了芽最好唔好食嘞!因為會有毒素.

食左可能會肚子痛  

8 則留言:

  1. 好耐無飲過蕃茄薯仔紅衫魚湯!

    回覆刪除
  2. 回覆
    1. 哈哈.....隻雞學緊飛呀.
      呢隻係芝麻雞,ok啦.
      三黃雞仲好d.

      刪除
  3. 呢個湯我家最愛,不過我買細紅衫咋,两隻雞肶好吸引呀!

    回覆刪除
    回覆
    1. 依加紅衫貴好多,我都係挑選細細地咋.
      大脾牛牛食,我愛食翼.多d.

      刪除
  4. 玲玲,整個左脾嚟,我目+及到左脾大隻D!kaka...........

    回覆刪除
    回覆
    1. 叫牛牛唔好咬住先,留比軒姐.
      左脾大好多,上面條骨都擰左出黎.

      刪除