蒸水蛋

看!水蛋在小匙上,微微顫動,多麼令人垂涎呢!

 

 

 

昨天我兩飲早茶時.

老公打開報章,大叫好嘢:今日你一定唔叫悶,有正嘢給你看!

呵呵.....原來係蒸水蛋.

雖然,我一向都蒸得好滑,唔會蒸到似蜜蜂巢.

但仍然好有興趣跟大廚學習!

 

以下食譜,蒸蛋心得係中環蛇王芬食店提供.

 

叫得水蛋,水同蛋的比例要好講究.

水,蛋的黃金比例係1份蛋,兩份水.

用蒸籠先大火蒸3分鐘,待表面凝固,

收細火蒸大約10分鐘,蛋就又嫩又滑.

 

今早,立即蒸了1碗水蛋,

今次蒸蛋,把蓋完全蓋上,沒留一線空位,

蛋漿又冇蓋上任何隔熱器皿,沒有用蒸籠,一樣滑嘟嘟.

 

食譜:

蛋1隻56g

水110g ,幼鹽少少.

蔥花少少

油幾滴.

 

做法:

1.先將蛋打散,加鹽,水分4-5次加入,

用叉或筷子順一方向打發.

2.中大火蒸2分鐘,轉小心蒸8分鐘.

 

溫馨提示:

蛋漿一定要打鬆,蛋白要打斷

今次蒸蛋,把蓋蓋上,沒留一線空位,蛋漿又冇蓋上任何隔熱器皿,

火喉好重要,先中大火,記得收細火呀.

蔥花好易聚集在中心,蒸40秒打開,把蔥花攪散

 

蒸蛋器皿先塗上一層薄油,才倒入蛋漿,易於清洗.