結婚紀念日-我學會食草了

2009年12月12日下午4:06公開累積瀏覽 3812

 

12月8日,係我同牛牛的結婚紀念日!
在我心中這一日比起生日,生BB日,情人節......都還重要!(唔知點解)
今年,以為牛牛唔會再記得,一直都唔敢提!但又心思思!

一晚,牛牛問8 號去邊食飯?
我個心卜卜跳反問,點解呀!

(唔係扮嘢! 只係好驚食炸糊呢!)
果日係我地結婚n年紀念日喎.......牛牛都未講完!

我立即話好...好....好!不過只想我共你兩人!
仲有你千萬

唔好買花呀,太貴.....最好就係食左落肚!
我都未講完. 佢就含情脈脈咁望住我

嘻皮笑臉....嘻...嘻

你唔使提我.......提我都唔會買嘞!
如果你真係好想要,我就落去平台叫園丁;比一大棵花我送比你啦!
回想起來好SWEET,每次諗起都會甜絲絲的微笑,雖然我真的沒有收到一朵花!

我影左好多相比大家睇!
呵呵!當日我好似好耐未試過咁開心!

好久好久未增咁鬼餓,食得太飽,飯氣攻心,果一刻好想開房ZZZZZZZZZZZ呀!

今次,我每一款都有食少少呀!

呵呵....我學會食草了!
以往我真的不喜歡啊!

煙三文 今次好saty呀!
好彩三文魚腩ok!仲貨源充足!

呢個湯超好味,好sweet因為係你親手獻給我的!