2013年9月4日星期三

日式芝士蛋糕-附食譜/不裂面心得


2013年1月6日上午12:33公開累積瀏覽 2281521

 


哈哈哈....終於都整番個鵝蛋形日式芝士蛋糕.
之前見到blog友整都好恨,但又唔捨得買多個模.
實在太多了!
原來用呢個器具都 work bor!
呢個cake,晚飯後三分鐘,牛牛竟然食了半個呀!
我完全沒想過佢會食喎,又話唔like 芝士???
牛牛 一面食,一面細細聲:都好好味,好滑...!
讚老婆都唔得大方,氣壞!

Cheese Cake咁美味,當然要用軒軒送給我的一對靚杯,
沖杯茶,慢慢嘆啦!

真係特別好味道,多謝Eva,你真細心!


呢個心形芝士蛋糕,已經送了給朋友仔.
唔知佢地食晒未呢??
至於點解有信心百分百唔裂面呢?
明天同大家分享.....我要zzz了.
仲有全新食譜,做法.
送給喜歡食日式芝士蛋糕朋友.一起硏究!
Sorry,要大家等!
我呢隻夜貓依加先有空呀!
今日,用同等份量整了呢個6吋日式芝士蛋糕.

好心急呀.....我要切開睇吓質感先.
組織軟綿綿,好滑bor,連丁多大氣泡都沒有呀!
我只係輕敲兩側兩三吓咋,大力D都唔敢,怕甩底.


由於昨日的CAKE分了兩份,鵝蛋,心形.
薄了好多,當然唔裂啦!有咩咁叻bor????
我都係要整番個6吋圓形模,**最易爆裂.**
9 成full.測試一吓.更準確.

如果裂到好醜樣,或者縮水好多花紋就唔敢post食譜.
唔想令大家失望呀!

上圖的CAKE已經放涼,只有輕微回縮.係正常.
個面夠唔夠靚仔呀?

嘩...呢三件,牛牛剛才一口氣食晒呀!差不多半個呀
肥c呀,雖然我加了少少檸檬汁,食落冇咁膩姐!
佢仲話入口即溶,容咩易吞落肚喎

食譜:可做6吋圓形1個
心形兜會全滿要拉起圍邊

忌廉芝士 100g
淡忌廉 110g
牛油 (銀寶) 20g
蛋白3隻 96g
蛋黃3隻 60g
砂糖 48g
低筋粉 20g
鷹粟粉 10g
檸檬汁 7g
檸檬皮半個*只要表面黃色皮,白色會苦.
蛋白他他粉1/8茶匙
 
預熱焗爐8分鐘,用140度,坐熱水90度.
放入下層.
焗35分鐘降溫至130度,再焗25分鐘.
我嫌個面唔夠金黃,用150度焗分半鐘.只開上火.

做法: 太多相,太多嘢talk,又要明天了!真抱歉

我地又繼續,8/1/2013,下午5:45
希望我呢個方法可以幫到手,
能夠焗到入口即溶,仲要唔裂面的芝士蛋糕!

1.忌廉芝士室溫放軟.用電動打蛋器打至滑身.
2.加入淡忌廉用膠刮或手動打蛋器拌拌至冇粒.
我係分兩次加入,初時見有大粒,正常,唔使驚.,
拌多一會就好滑,有彈性.如下圖.

3.再加入牛油(坐溶)拌勻成芝士糊.
4.蛋黃用電動打蛋器打40秒.加檸檬汁,低筋粉,粟粉拌勻.
倒入(3)料的芝士糊拌勻.要沒有粒粒.蓋上保鮮紙.
5.竅門:放入冰箱雪25分鐘.
6.蛋白加入1/8茶匙他他粉,分3次加糖打發至拉起有
三角形,短勾可以搖動.(比較實).
反轉,條尾都會向下.

7.取出1/4蛋白同冷凍的芝士糊混合.
8.再將混合的芝士糊倒在蛋白上,
先用手動打蛋器拌,再用膠刮剷底拌勻.
9.把拌好的漿倒入6吋圓形模,輕敲兩側排氣,
模底先放入牛油紙,內側掃上一層好薄的油.
有430g重呀,9成滿,真係心驚驚,爆裂就冇眼睇


10.蛋糕模放入焗盤,連盤一起拎實,登一,兩吓.
焗盤注入熱水,90-100度都OK.
因為兩個溫度我都試過.
活動模,先包保鮮紙,用少少水更貼模,

再包上錫紙,錫紙穿了入水,都冇事.

下圖的心形日式芝士蛋糕,
係我3年前做來送給韋太的,
係咪愈睇愈靚呀!
個兜有透明蓋,幾元1個.送比人又靚又好方便!








連日來整了兩個心形日式芝士蛋糕,
都係用放入冰箱雪凍,再mix蛋白的方法.

牛牛已經送晒比朋友食嘞!

我喜愛用呢款模,

係因為送給朋友好方便!
呢度有320g,焗了30分鐘的樣子,幾滿呢!
我試過倒晒430g入模,但一定要拉起圍邊.
 
小小心得:
多年來,我習慣用一大個可以入爐的玻璃器皿載住架.
我相信有隔下火的作用, 對唔會焗爆面都有多少幫助!
用錫紙兜模會有少少浮上水面.但唔會影響蛋糕.

9 則留言:

  1. 我是空間呀, 妳咁快手嘅, 咁快就搬咗 D POST 過來.

    回覆刪除
  2. 因為唔知日後點,我試吓搬少少啦

    回覆刪除
  3. 巧靚靚啊,見到已經控制唔到d 口水喇!令我一見就想起佢d 香味,不過個樣就真係整極都唔靚仔,氣死我!

    回覆刪除
    回覆
    1. 唔好激氣,一定得.
      係咪爐溫問題呀,我打的蛋白比較企身.
      所以拌時比較放心.....大力少少都唔會沉.

      刪除
  4. 請問可唔可以用牛奶代替淡忌廉 ?

    回覆刪除
    回覆
    1. SORRY!我今天才看到你的留言.
      呢個食譜做法,係將CREAM CHEESE打至滑身,再拌入淡CREAM,質感比較挺身.
      用牛奶代替淡忌廉,我未試過呀.
      但我有另一食譜,係用鮮奶架.
      做法就唔同一樣美味,,你參考一吓啦.

      刪除
  5. ~試用了食譜效果吾錯!多謝分享!^^

    回覆刪除
  6. 請問,整完需放入雪櫃嗎?thx

    回覆刪除