我的2011 第1藍莓卷蛋, 係點樣!
捲出甩皮卷蛋 ….心痛極!
藍莓醬太多, 黐到傻.....
受到教訓, 明白皮開肉裂的原因.
再接再厲,整花生醬卷蛋好好味,室溫 3日都依然鬆軟.
但天氣熱當然耍,放入雪柜啦
只要先包上保鮮紙,再用廚紙包好,放入雪柜下格
拎出來 室溫15分鐘就唔會凍冰冰,c實實嘞!
如何做出金黃色的卷蛋,要把蛋糕焗得金黃.
我先放下層 焗15分鐘, 用170度. 再放上中層多焗3-4分鐘降至 140度
令表面金黃. 出爐時用手輕觸,不黏手.
這一點,好重要.
因我試過焗得唔夠金黃..放涼後,表面唔太黏手, 感覺濕潤. 以為捲得.
但當我捲的時侯, 好容易打手指模, 或是皮開肉裂
焗好的蛋糕,撕開牛油紙四面,放上架上,放涼大約20-25分鐘.
面蓋上比蛋糕四面都乂-3吋的牛油紙 反轉蛋糕. 撕走底下的牛油紙.
輕輕將蛋糕捲起些少.感覺柔軟度,唔好太大力弄裂.重覆兩次.
塗上幼滑花生醬 (要自己再攪拌滑身)
慢慢捲起來, 第一圈要捲得貼一點,太鬆會捲出空心卷呢!
兩邊拎實,好似一粒糖咁樣.
放入雪柜雪10-15分鐘定型, 慢慢打開牛油紙. 就係皮光肉滑的卷蛋了!
我今次用的焗盤係 8.5吋 x 6吋 會厚些少 .
如用本身焗盤可整2/3. 薄些少 可轉多個圈.
食譜:
雞蛋 2隻 (蛋白,蛋黃要分開)
25 低筋粉 + 5g 粟粉 一同過篩
糖 24 g 分兩份 9g和 15g
鮮橙汁 8 g
橄欖油15g
1.蛋白打起泡,加15g糖 打到的尾巴可以搖動,反轉都會垂下來.
2.蛋黃打散加9g糖打到杰身.
3.加入鮮橙汁入蛋黃漿 ,用手動打蛋器拌勻. (不要開機打,會出現好大氣泡)
4.篩入粉類入 蛋黃橙汁成麵糊.拌勻.
5先加入1/5 蛋白 入麵糊拌勻, 再倒在蛋白面上
用手動打蛋器輕輕拌勻. 再加15g 油拌勻 就ok.
如有興趣,可click 入浪漫玫瑰花卷蛋看看.
前後都斜切入, 會易捲同靚d呀!
如何令卷蛋保持鬆軟
點解卷蛋放入雪柜下格,雪了3天,依然鬆軟.有彈性呢!
秘訣就是: 1.先用保鮮紙把卷蛋包好.
2.再用廚紙包住.
看我將卷蛋 壓著,放開 …慢慢反彈就知啦!
剛拎出來的蛋糕凍冰冰, 要室溫擺大約15分鐘冇咁凍先食,口感會好得多!
沒有留言:
發佈留言