母親節蛋糕 (預習篇) /抆餅要訣/擺餡有花款

2009年5月4日下午12:08公開累積瀏覽 383 19

 

日前,牛牛向我訂1個生日蛋糕,送比佢的好兄弟!
佢話出番100元材料錢....我頭,連聲說不....不!
一百幾拾,唔使啦!我...我唔要喇! 
其實我真係好樂意架!
更借機好好預習唧玫瑰花,所謂溫故知新,一點兒也沒有錯呀!
由於天氣涼,我沒有開冷氣....以為唧幾朵冇咩大問題卦,快手d咪得lor!
忘了自己成年冇啣過rose,忘了自己老左1 歲,眼鈍手又慢,到唧果刻先知驚!

 

最慘係d cream剩得丁丁多,唔可以失手...好彩都勉強過到關啦!

唧花ge時候,我又想起一位好親切的導師Sunny Sir,跟佢上課真係好SWEET!
讓我在這裡向你說聲多謝!

溫馨提示:
母親節快到了,唔知大家有冇興趣整d朱古力裝飾,令個蛋糕更美麗,更漂亮呢!

如有請睇睇我的朱古力裝飾篇!

希望大家都可以做到更有創意的母親節蛋糕!

抆餅要訣/擺餡有花款

2009年5月4日下午3:23公開累積瀏覽 575 31

 

好多人都怕抆餅,因為抆極都唔平滑!   抆到冇心機!
其實,只要抆完8-9成,再把(抆刀邊)垂直泊在蛋糕的左下方,大約8點鐘的位置,
微微張開,等條邊緊貼蛋糕cream,(可惜我冇拍下照片,大家要將個蛋糕變成個鐘)
左手輕輕推動轉盤向上,即順時針方向.慢慢轉動,右手要固定把抆刀,不能移動.
眼睛望住蛋糕打直果條邊, 8/9點位置,唔好睇6/7點位置喎!
你會發現抆刀好像膠刮,慢慢將蛋糕刮得平平滑滑!
*人要企蛋糕左面,咁先易睇好多!

面d 紋係用膠刮刮的,要打側一氣口喎!

入爐時

唔想焗爆tie 呀,最後幾分鐘都係睇實d好!

 
呵呵!用呢個方法放餡,切開就會有驚喜,間隔好分明,蛋糕就由外靚到入內啦!
中心要先擺cream喎,咁樣切開先整齊,唔會散架!

又一層,中間先放cream!  cut 開個三角尖端好整齊,靘d架! 試試啦!