呵呵....沒想過自己可以做出好美味的XO醬.
真係要多謝Blog友五味軒的分享.
自從食過你的微辣xo醬,一試難忘!
一直都好想學,但我的主婦手如影跟隨我兩三年!
直至近年才好好多. 一於試做xo醬.
其實,有軒姐和Blog友Wongwong的心得.
真係想交白卷都好困難.
呢兩三星期.我已經整了12兩江瑤柱嘞.
有時做2兩,有時整4兩.玩到三更半夜,好開心!
我見到仔仔拎住咁大樽xo醬,食到唔停口.好自豪呀!
不過,真係食到喉嚨痛呢!
太好味,一定要同紀錄下來!
材料: 可以做2樽,每樽420g
江瑤柱 75g + 200g水浸6小時.
我個仔抱住來食呀,幾豪呀!
蝦乾 75g 剁碎 (雖然3百元1斤,但夠淋甜,冇蝦腸)
其實,用泰國黃枝蝦都好,平一半有多.
但始終有蝦殼,怕老爸,媽咪嫌硬一點.
金華火腿 75g剁碎
店舖老闆剛切緊隻金華火腿,240元1斤.
我買了一件,40元,真的更咸香.
紅乾蔥頭 75g(已切粒)
蒜頭 100g(已切粒)
頭抽/老抽 2茶匙
蠔油 2茶匙
蝦糕 12g
芥花籽油 400g (50g爆香蒜茸...)350g炸瑤柱.
指天椒 6隻
牛牛就來XX我,明天再寫!
好了,依加可以慢慢大談XO醬經了.
時間係1月4日2:40pm
做法:
1. 整xo醬先過第一關,否則,得兩行眼淚.
吳太第1次整XO醬,開心過頭,忘了把紅蔥頭
放入冰箱先雪2小時,(用濕毛布包裹,防雪壞)
搞到一路切,一面流眼淚,真係仲慘過睇苦情戲呀!
大家要小心啊!
我測試過,要是10分鐘內切好,就唔會攻眼.
仲切得不知幾爽tim....haha.
如果切好多,太長時間,我地就唔好一次拎晒出來嘞!
其實,有其他方法令自己舒服d.都可以用的.
瑤柱75g浸水2小時,體重係148g,好勁啊!
浸完後,用手將瑤柱撕開. 或者用菜刀一壓,
再輕輕拖一吓就一絲絲了,兩樣都好易做.
撕開後加入浸完瑤柱剩下的水,再加35g浸蝦乾水.
1/4茶匙薑汁,1/4茶匙糖.
即是連水蒸20分鐘,再焗20分鐘.
蒸好後的水留用,瑤柱瀝乾水.可用廚紙或布把水份吸乾.
2.用煎pan,把30g油燒熱,加蒜茸,收細火,
落少少鹽爆香至金黃盛起.
用原pan剩下的油,再加20g油爆香已切碎的紅蔥頭.
再加入蝦乾茸,金華火腿茸,灑上1/4砂糖,
炒到香噴噴.盛起.
3.炸瑤柱梗係用隻好使好用的鑊啦!
燒熱,加350g油,浪勻.
油熱至出少少煙, 倒入鬆散開的瑤柱,咋一聲.
立即收細火,慢慢炸,炸4-5分鐘加入已爆香的蒜茸.
紅蔥粒,蝦茸,腿茸.不停炒,炒分半鐘.
加入指天椒(切幼圏),大約炒20秒.
落調味料:有頭抽,老抽,蠔油,蝦糕和蒸完瑤柱的水.
煮一會,要兜拌勻.
記得要先加入蝦糕浸溶拌勻.
全程用8分28秒.
再次多謝Eva送給我的微熱辣xo醬!
能夠學會做xo醬,真係好開心.
謝謝你!
沒有留言:
發佈留言