蕃茄 洋蔥 豬扒 - 食譜

2010年12月9日下午3:29公開累積瀏覽 3639 13

 

                                        呢款菜 大人細路都愛吃
                                            我一連煮了兩餐呀
                                                 幾受歡迎
                                        記得要買 梅頭豬扒喎,
                                              好食腍好多呢!

                       ** 呢碗冇加老抽,色冇咁靚,似花生醬嗎?**
材料:
梅頭豬扒320g,蕃茄1個,洋蔥半個.
醃料:
生抽 2茶匙,老抽1茶匙
雞粉  1/2 茶匙,粟粉 4茶匙,
糖1茶匙,梳打粉1/8 茶匙,蛋白10g先打散. 拌勻.如上圖.
放入 豬扒,拌勻(可加蒜茸) 醃1小時.
(豬扒清洗,用廚紙吸乾水,用刀背拍鬆到大1倍)
然後 1 開2.
做法:
煎時再撲上薄薄的粟粉
中火每邊煎1分鐘,反轉再每邊煎多30秒至金黃. 盛起.

再開火,放入豬扒快手煎兜幾下. (迫出多如的油),盛起豬扒.
爆香洋蔥(中火),因太大火洋蔥有糖份就易燶.,
加入蕃茄,一薄片薑.略炒一會.至洋蔥透明狀.
倒入如下汁料: 
(水 120g 1茶匙粟粉,1/4茶匙鹽1茶匙糖2湯匙茄汁,1茶匙喼汁幾滴油,)先拌勻.
慢火煮到稠蜜, 將豬扒回鑊兜幾下. 加少少生粉水收汁,食得嘞!
由於我like蕃茄 ,味道會酸dd,我要再加多1茶匙糖.
                 咁就 甜甜蜜蜜嘞

 溫馨提示:
近骨處較難熟,煎時用剷稍壓平煎耐一點.