好耐之前,曾經整過排包,好實,味道又怪,食到我咬牙切齒.
今天的排包鬆軟,好味得多.
雖然樣子有少少參差不齊.下次做好D.
給大家看看,我搓了13分鐘拉出來的膜先
由於我用雙手拉膜,就影唔到相片.
所以,我利用隻玻璃小兜.
咁可以拉比大家睇下嘞.
撕開熱到燙手的排包
嘩.....好熱呀,手都痛呀!
食的時候,我最鍾意就係一片又一片撕開來食嘞!
食譜:7-8片排包
高筋粉200g
砂糖50g
奶粉6g
吉士粉6g
依士3.5g(金燕)
雞蛋25g
溫水95g
牛油36g(金桶) 後加
面要掃蛋液才入爐.
預熱爐,,165度,焗15-20分鐘.
麵團做法,同雞尾包或菠蘿包一樣.
吳太玲，Anna 你好！好耐冇見..............
回覆刪除因為 Yahoo 執笠，發覺自己巳經冇咗好多朋友，真係好沮喪！！！呢排有晒心機寫 blog。。。。。
見到你搓包搓咗 13 分鐘，就起到膜，才發覺自己差到呢..........嗚嗚嗚，早幾日整方包，我搓咗成個幾鐘都搓不出膜，所以個方包《嘅不鬆，也不綿》.....嗚嗚嗚！！！
點解我咁渣㗎...............
我量好份量後，搓麵粉時發覺粉糰好硬，所以一路加入水份，才使麵糰黏起來，但最後麵粉糰，搓咗成粒鐘都起不了筋..............唉！我錯咗啲咩呢？？？
半日安上
原來係你半日安,好掛住你呀.
刪除今次一搬,身心都累,頭都痛.
真真提不起勁寫呀!
你要留意依士,夠力嗎?
我好怕搓,只係搓一陣,就不段搓長,對摺....做得5.6次.
會感到彈性.
就打到桌面上...麵團自然伸長
至於膜,慢慢拉就薄喇.
寫錯！《冇》晒心機先岩！
回覆刪除