煙燻豉油雞

為了家人口味,食得有驚喜,煮菜都要多變,
我間中喜歡把豉油雞燻一燻,
呢隻豉油雞有少少玫瑰花香,因為我用左法國玫瑰乾花燻了5分鐘,別有一番風味.

如何燻雞:

1.鑊舖上錫紙,邊沿都包晒,放入2-3湯匙生米.茶葉2湯匙,
玫瑰花乾2湯匙 (弄開成小片).1/4塊片糖,弄碎.
所有材料拌勻,蓋上蓋,大火煮至見到煙冒出.
放入豉油雞,上蓋.小火燻3分鐘.熄火再燻2分鐘.
(蓋內面都要用錫紙包好).

小小心得:
如果唔將鑊包好,燻完雞隻鑊會燻到黑麻,洗唔得乾淨呀!
除非,家中擺放多1隻舊鑊,燻到黑炭頭都冇所謂啦!