龍井玫瑰花茶燻雞

 

2009年12月2日下午6:34公開累積瀏覽 361 10

由於屋企有好多茶葉,大包小包,有平有貴,左擺右放,唔知幾時先飲得晒!
心諗用來煮食都好喎!一於整隻煙燻豉油雞,茶葉仲加上小小玫瑰花,米,
黃糖,細細火只燻幾分鐘,隻雞除了有豉油味,還多左煙燻的味,好香呀!
一款菜有幾種味覺享受,正!

                                    
 
鑊一定要舖上鍚紙,以免燻到鑊都黑麻麻.
(連蓋內面都要包好呀!)

燻完喇....茶葉都變得脆卜卜!

小小心得:
好多人食雞怕碎骨,牛牛就係其中一個.
通常我會將雞先CUT一半,
(呢隻翼我偷食左,又香又滑好好味,)
然後,CUT 翼& 脾,跟住我會擰甩一條骨,如下圖!
再將雞一分成二(兩條長形),好易CUT 開小件,上碟,食ge時候,啖啖肉,唔使驚拮親啦!
呢條骨正是連接雞脾同身,都幾長!
最易斫到有碎裂,尖又利.
我寧可麻煩些少擰甩佢,就唔要有碎骨!
因為我個牛牛食嘢好心急又論盡!