卷蛋-浪漫玫瑰卷蛋 (附加食譜)

2010年5月11日下午7:14公開累積瀏覽 1804 22

 

新手整蛋糕,最怕拌粉,撈沉蛋白,空氣流失,就焗出一個c實實蛋糕!
試試我呢個方法同食譜,希望可以焗出一條2-3日都好軟綿的蛋糕.
 
昨晚,牛牛一時話想去食雞粥,一時又想食麵包,蛋糕....!
那麼,你給我半小時, 我弄蛋糕給你吃好嗎?
唔..... 好啦!  呵呵!真係 少有咁爽快喎!
我馬上一支箭溜入廚房,憑著自己的經驗. 
30分鐘,剛剛好焗了一條香噴噴ge玫瑰花香卷蛋!
 
 

呢一小件,我刻意留下來,擺多一天!
一樣好軟綿呀!
食譜:  只做焗盤2/3 大.
做1個焗盤要3隻大蛋.其餘料就要加多1半嘞!
雞蛋      2隻(大)
(低筋粉  25g +粟粉 5g )一同過篩2次.
糖     24g   *個人口味調節*
菜油 15g
1/4茶匙 玫瑰香精     .透明 30ml 15元..
其他: 綠茶香油都可以. .
如冇香油可以用5g橙汁都得,屋企多數有橙 啦.!去除蛋腥味,提升蛋香味.
今次做法:同平日有d唔同,
粉篩入蛋黃漿,唔係篩入全蛋漿..我覺得更易將粉拌勻.!特別蛋糕新手!

1.蛋白打起泡,加糖15g打挺身,起短勾.

2.蛋黃加9g糖打至糖溶,再打到杰身,加玫瑰香精拌勻(蛋黃記得打杰身呀)
.篩入所有粉在蛋黃漿,拌勻至冇粒.. 大力d都唔怕喎.
3將(2)料倒在(1)料面上,用手動打蛋器拌勻.成麵糊
4.加油再拌勻. (可先挑2湯匙麵糊加油撈勻,再同其餘麵糊拌勻)
5.倒入焗盤,底放牛油紙, 用膠刮整平滑個面.
6.預熱焗爐,用170度焗12分鐘.

 

6.稍放涼,面塗上薄薄的藍梅果醬,好開心咁卷呀...卷!

            希望大家都做到軟綿,冇發粉的蛋糕食呀!