紙包蛋糕 - 附加食譜／如何摺紙包蛋糕模

 

2009年4月27日下午3:24公開累積瀏覽 2723 45

我無意中發現多左萬五人瀏覽,
唔知發生什麼事.
只想做多次,希望做得更好!
食譜:

 

http://happyforever8888.blogspot.hk/2015/01/blog-post_9.html

嘩!呢個就係熱騰騰,香味撲鼻的紙包蛋糕,我勁愛吃!

因為呢款蛋糕真係特別鬆軟,有蛋香味!

我好心急,即刻撕開看看,組織好細密!   最緊要係冇

蛋腥味呀! 
我以前都整過幾次,質感唔多似街買.即使用乳化油整到似似地街買.....
始終唔夠香,仲有蛋腥味呀!

真係中,美,泰,日蛋都試到我暈!
食果時就要被迫忍住啖氣!

食得唔暢快,好不過瘾tim呀!

如果大家都嚐試過呢種滋味,不妨試試我呢個食譜啦!

蛋糕有幾鬆軟???來個小測試先啦!!!
呢個已經隔了一日,我用食指和姆指輕輕將佢壓扁!

再鬆開手,睇住蛋糕反彈...話咁快又脹回來,鬆軟程度非常滿意!

食譜:   可做4杯 @50g  焗完得@45g
1. 低筋粉     26g       (1+2+過篩)
2.  粟粉           5g
3. 蛋白          66g
4. 砂糖 (a )    15g　（個人喜好可加可減少少）
5, 蛋黃          40g
6. 砂糖 (b)     10g
7. 鮮奶  (fresh milk)             30g
8. 菜油                                 20g  
9. 吉士粉(custard powder)    3g
10. 奶粉                                3g
11. 他他粉      1/8茶匙
做法:
1. 用中速將蛋白打到起泡+他他粉打勻.(加粉大約打5-10秒就混)
2. 分2次加入砂糖,打到蛋白挺身起勾. 要邊打邊轉喎!
3. 先將蛋黃+10g砂糖打至杰身.

加入鮮奶拌勻.再篩入所有粉
(麵粉,粟粉,custard powder, 奶粉)拌勻,
    最後加油拌勻到滑身,冇粒就ok  .
 *(我打完蛋白,即刻打蛋黃,冇洗打蛋器架!如打蛋黃先,記得要洗乾淨器具,
    仲要抺乾呀!因蛋白不能有水/蛋黃,會打唔起架!)****

4.先將1/4蛋白加入(3)蛋漿內.用手動打蛋器拌勻..

5.將(4)倒落其餘3/4蛋白上面. 放心蛋黃漿係唔會沉底架!不過,呢個時候
要輕手用手動打蛋器 攪拌幾下,再用膠刮好易拌勻!間中要剷幾次底呀!

6.如有雲呢拿香油,可以加1/4茶匙一起拌勻.(我有落架)  話咁易拌勻嘞!

睇！拌勻的漿，用膠刮拍．．．係充滿反彈力架！
7.預熱焗爐180度10分鐘,入爐降至170度,焗5分鐘.
   見蛋糕微微上升,用160度焗15分鐘.
    最後,調高至170度再焗5分鐘.  全程焗25分鐘!    *個別爐溫不同*
焗蛋糕要懂得控制爐火，只要控制得好，就可以焗出色香味的靚靚蛋糕喇！

   Wow!升發得相當滿意!

呵呵!個面好靚呀!

你係咪好想咬一啖呢!

如何摺紙包蛋糕模

2009年5月13日下午6:15公開累積瀏覽 1056 26

 

先將正方形牛油紙剪去四隻角.
我刻意畫左4個三角形,留意中央有個圓圈.
將紙放上模上,就容易摺好多嘞!

將4 個三角形斜線部份對摺.如下圖.

圓圈冇摺要留空位.

摺完嘞....幾易放入杯模內!

 

 

 

• hoi ting
  

  
  • hoi ting
  • 2012年4月14日下午4:03

  吳太!! 我係中學生呀!
  我今日試做左呢個呀，都算成功嫁，俾張相你睇下丫^^
  http://upload.lsforum.net/users/public/b49358DSC02487d148.jpg
  不過我屋企個爐好似唔大火力，跟你一樣預熱左180度，再轉1..

  吳太!! 我係中學生呀!
  我今日試做左呢個呀，都算成功嫁，俾張相你睇下丫^^
  http://upload.lsforum.net/users/public/b49358DSC02487d148.jpg
  不過我屋企個爐好似唔大火力，跟你一樣預熱左180度，再轉170度焗左10分鐘都焗唔起呀
  最後我自己試下唔同既溫度最後都升到好高好開心呀